چاوەکەم مەغرووری هەروا؟ یان خەتای نازدارییە؟!
نازە وا ئاڵۆزە چاوت؟ یا لەسەر خوونخوارییە؟!

خەم لە من دێوانەتر بوو، شۆڕشی دڵمی کە دی
دەردی دڵ دەردێ گرانە و عیلەتێکی سارییە…

ئاوڕی شان و بەرۆکی خۆم ئەدەم شەیدا ئەبم!
چوون بە ئەشکی خوێنی جەرگم قرمز و گوڵنارییە…

ناتوانێ پێ بە ئەشکی خۆی بنێ تێپەڕ بکا
مەشرەبی عاشق لەسەر ڕەسم و مەقامی هارییە!

من بە شوێن دڵما گەڕام، شوێنی بە خوێن دۆزیمەوە!
چۆن لە ڕاوچی گوم ئەبێ، سەیدێ کە خوێنی جارییە؟!

قانعی بۆیە لە هیجرا خەو لە چاوی ناکەوێ؟
قاعیدەی هەس هەس وەهایە کەوتە شەو بێدارییە…

Çawekem mexrûrî herwa? Yan xetay nazdarîye?!
Naze wa aloze çawit? Ya leser xûnixwarîye?!

Xem le min dêwanetir bû, şorşî dilmî ke dî
Derdî dil derdê girane û îletêkî sarîye…

Awrî şan û berokî xom edem şeyda ebim!
Çûn be eşkî xwênî cergim qrimiz û gulnarîye…

Natwanê pê be eşkî xoy bnê têper bika
Meşrebî aşq leser resm û meqamî harîye!

Min be şwên dilma geram, şwênî be xwên dozîmewe!
Çon le rawçî gum ebê, seydê ke xwênî carîye?!

Qan’î boye le hîcra xew le çawî nakewê?
Qaîdey hes hes wehaye kewte şew bêdarîye…