نازانم چۆن خۆشم ویستی تا ئەوپەڕی خۆشەویستی
خولیای عەشقت هەموو شەوێ فرمێسکی تازەی لێم ئەوێ

تۆ هەوێنی شێعری تازەی شەوانی پڕ ئەندێشەمی
تۆ برینی بە ئازاری ڕۆژانی پڕ لە کێشەمی
نازانم چۆن خۆشم ویستی تا ئەوپەڕی خۆشەویستی
خولیای عەشقت هەموو شەوێ فرمێسکی تازەی لێم ئەوێ

لە هەرکوێ بم خۆشم ئەوێی لە هەرکوێ بی بیرت ئەکەم
ئەو جێگایەی تۆی لێ نەبی بۆنی غەریبی لێ ئەکەم
نازانم چۆن خۆشم ویستی تا ئەوپەڕی خۆشەویستی
خولیای عەشقت هەموو شەوێ فرمێسکی تازەی لێم ئەوێ

کە هەست بە دووری تۆ ئەکەم باڵدارێکم بە بێ لانە
کە من هەرگیز بە تۆ ناگەم ئیتر بۆ نەبمە دێوانە
نازانم چۆن خۆشم ویستی تا ئەوپەڕی خۆشەویستی
خولیای عەشقت هەموو شەوێ فرمێسکی تازەی لێم ئەوێ