دڵم ئەگەر بەردە ئەگەر شاخە بە چاوی سووکی مەڕوانە
گیانە لەبەر تەعزیبی مەیخانە هەر دەڵێم پیری موغان با بێ
بە خەندە و پێکەنین و چاوی مەخمووری دڵی بردم
لە مەکتەب دەرسی سیحری خوێندووە و بۆیە وا فێڵی لێ کردم
ئەی ڕەفیقان مەکەن مەنعم ئەگەر من بەم دەردە مردم

مەیلەنگێنە مەیلەنگێنە
چوار دەوری مەمکت ئاوێنە
خۆتی لێ مەدە مەیشکێنە
ئیختیار بووم دوعام لێ مەکە
لە جوانیت بێبەریم مەکە
بیستوومە شیرینیت دەخورێ
لەسەر دڵمە بووە بە گرێ
نان و ئاوم پێ ناخورێ
ئیختیار بووم وازم لێ بێنە
چاوجوان گیان دڵم مەشکێنە

قۆڵبەندی قۆڵی زیوە
چارۆکەی هەولێرییە
دە کچێ وەرە بارم کە
ئەی ئەحە ئەمشەو لە کفرییە
ئیختیار بووم دوعام لێ مەکە
لە جوانیت بێبەریم مەکە
ڕاوەستاوە لە پەنجەرە
دەڵێی بەگزادەی قەجەرە
پیاوی بێ دۆست قوڕبەسەرە
سەیزادە وازم لێ بێنە
ئیختیار بووم وازم لێ بێنە
چاوجوان گیان دڵم مەشکێنە

ئەی گەرد و گەرد و گەردەکەم
سەری کوڵمانت ماچ دەکەم
ئەی تۆی خاتوزین من کاکە مەم
ئیختیار بووم دوعام لێ مەکە
لە جوانیت بێبەریم مەکە
مەیلەنگێنە مەیلەنگێنە
چوار دەوری مەمکت ئاوێنە
خۆتی لێ مەدە مەیشکێنە
سەیزادە وازم لێ بێنە
ئیختیار بووم وازم لێ بێنە
چاوجوان گیان دڵم مەشکێنە