site loader
site loader
Song image

مەمکوژە

By - محەمەد ماملێ Mihemed Mamlê

مەمکوژە تۆ گەردەنی خۆت ڕووت لە زولفان دەرخەوە
ئەی سەبای ساڵحان ئەتۆ بکەی ئەم شەوە ڕۆژ بێتەوە
تاقەتم چوو ئارەقی گەردنت بە زولفان ون مەکە
ئەی ستارەی سوبحدەم ئەوشۆکە زووتر دەرکەوە
سووتبووم خۆم دا پەنای زولفت دەمێک ئاسوودە بم
ڕووت نیشان دام باز لە سایەی تۆوە ئاورم گرتەوە
زولفت ئەفشان کرد و پەنھان بووی و دونیات کردە تەم
خۆت وەدەرنا عالەمت سووتاند و ئاورت کردەوە
با بە ھەویای پایبووسیت عومری من کۆتا نەبێ
مەیخە پشت گوێ، مەرگی من، بێ زولفەکانت بەردەوە
ئولفەتی زولفت چییە قوربان لەگەڵ ڕوخساری تۆ؟
خۆ بە ھیچ دینێکی نابێ کوفر و ئیمان پێکەوە
ھاتە سەر خەندە کە من سوڵتانی حوسن و دڵبەرم
غایەتی سووڕەت نومای ڕۆژی جەماڵی من شەوە
بای سەبای بەرقەع گوشا بوو؟ یا ئەتۆ بووی خۆت نواند؟
یا نە ڕیزوان دەرکی گوڵزاری بەھەشتی کردەوە؟
من لەبەر عەکسی نیگاھت کەوتووم ھۆشم نییە
چاوەکەی تۆ ھەر نەخۆشە یا نە سەرخۆشی خەوە؟
خارق العاداتی زولف و خاڵ و خەندەی زاری تۆ
میشک و عەنبەر، شەھد و شەککەر، لەعل و گەوھەر پێکەوە
زولفی لادا تا دیار بێ جاعیلی لەیل و نەھار
ڕووی وەدەرنا تا بزانن خالق الأصباح ئەوە
نەوڕەسیدەی نەخلی باڵای شەرحی حەرفی وەحدەتە
نەور و نەکھەت، نوور و زوڵمەت، نار و جەننەت پێکەوە
وەک سەری زولفت دەبێ کێ بێ حیسابی تێک نەچێ
گەر بە ناز تۆ بێیە پەی مەحشەر بە چاوی مەستەوە؟
چم لە ئوممێدی بەھەشت و بیمی دۆزەخ داوە من؟
دۆزەخی من ھەر فیراقە، جەننەتم وەسڵی ئەوە
لێوەکەت عومرم بوو شەرتت کرد بە دڵ جارێکی دیش
وەختە بوو بمرم وەرە عومری دوبارەم پێ بدەوە
خۆش بە ناز ڕامەبرە، قوربان، ئیلتیفاتێکت ھەبێ
دادخواھ زۆر کەوتوون نەختێ سەمەندت بگرەوە
تاقی ئەبرۆت دەرخە شادم کا ھەتا قوربانی بم
هۆنراوه‌: وه‌فایی
Memkuje to gerdenî xot rût le zulfan derxewe
Ey sebay salhan eto bkey em şewe roj bêtewe
Taqetim çû areqî gerdint be zulfan win meke
Ey starey subhdem ewşoke zûtir derkewe
Sûtbûm xom da penay zulfit demêk asûde bim
Rût nîşan dam baz le sayey towe awrim girtewe
Zulfit efşan kird û penhan bûy û dunyat kirde tem
Xot wederna ‘alemt sûtand û awrit kirdewe
Ba be hewyay paybûsît ‘umrî min kota nebê
Meyxe pişt gwê, mergî min, bê zulfekant berdewe
Ulfetî zulfit çîye qurban legel ruxsarî to?
Xo be hîç dînêkî nabê kufr û îman pêkewe
Hate ser xende ke min sultanî husn û dilberm
Xayetî sûret numay rojî cemalî min şewe
Bay sebay berqe’ guşa bû? Ya eto bûy xot nwand?
Ya ne rîzwan derkî gulzarî beheştî kirdewe?
Min leber ‘eksî nîgaht kewtûm hoşm nîye
Çawekey to her nexoşe ya ne serxoşî xewe?
Xarq al’adatî zulf û xal û xendey zarî to
Mîşk û ‘enber, şehd û şekker, le’li û gewher pêkewe
Zulfî lada ta dyar bê ca’îlî leyl û nehar
Rûy wederna ta bzanin xalq alrêbah ewe
Newresîdey nexlî balay şerhî herfî wehdete
Newr û nekhet, nûr û zulmet, nar û cennet pêkewe
Wek serî zulfit debê kê bê hîsabî têk neçê
Ger be naz to bêye pey mehşer be çawî mestewe?
Çim le ummêdî beheşt û bîmî dozex dawe min?
Dozexî min her fîraqe, cennetim weslî ewe
Lêweket ‘umrim bû şertit kird be dil carêkî dîş
Wexte bû bmirm were ‘umrî dubarem pê bdewe
Xoş be naz ramebre, qurban, îltîfatêkt hebê
Dadixwah zor kewtûn nextê semendit bigrewe
Taqî ebrot derxe şadim ka heta qurbanî bim

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks