چەترەگەد قنج کە تا خوەشنەما بوو
تەرتیفی لەبان شخڵ و گوونا بوو

ئەڕا تۆ نیەتیەی وە شینْ گەرمم
پەلگەگەد شووڕ کەی لە بانْ تەرمم

وەرجە مردنم وەسیەت کەم وە خیش
دەسْ دووس بگرن گوونا نەکەی ڕیش

چەترد جۊ لەولاو خستی وە لا
کوچگانێ چەن کەس نایدە بان گا

خوەم هام لە ئێڵاخ دووسم لە ژێربەن
چەپ چەپ زڵفەگەد بکەم ڕیشەکەن

زڕەی یەیدەسی پاوەن لە پامە
من لەی شابادە کی هەواخوامە

لە پەنج دەریەگە زڵف کەیدە شانە
من کردیە وە سەنگ قاپی دەرانە

بمارکد بوو -کۆرە نابەڵەی ماڵەگەی کەڵهۊلە بیمە- ئی فرمْ تازە
خاس لەلێد کەفی قەد وەی ئەنازە

قاڵ کەفتەو قەیتۊل -وەی وەی رۊ بکەن من مردمە- زڵە لەباخان
دەر ماڵەگەی بیوەی شۊ مردی بیە چراخان

لەیرە تا ئەورە یە چەنی دۊرە!
کلکی قاقز مەر تۊکْ سەمۊرە!

یەیدەسی=جۆرێک کوت و بەندە کە بۆ ئاژەڵان بەکار دێت

ژێربەن=ناوچەیێک باشووری کوردستان و نێزیک شاری مەنەلی

شخڵ=جۆرێک سەروەن

کوچگانێ=وجاخ

کەڵهۊل=قژکاڵ/قژزەرد

کوچگانێ=ئوجاخ

کلکی قاقز=ئاماژە بە نامە دەکات

تۊکْ سەمۊرە=ئاماژە بە شتی زۆر گرانبەها دەکات