
موو ناپسێنم
By - عەلی خزری
ئەمن دەمگوت لە دنیا تا بمێنم
لەبەر کەس ئەستەمە سەر دانوێنم
کەچی ئێستا لە داوی بسکی تۆدا
گرفتارم گوڵم موو ناپسێنم
ژیانم پر لە ڕەنجە و نامرادی
بە هەڵکەوتیش نەهاتم تووشی شادی
دڵم هێند تەنگە هەر جێی تۆ دەبێ و بەس
ئەتۆش مەحکوومی حەپسی ئینفیرادی
قەرار بوو بێی لەگەڵ خۆت شادی بێنی
نەهاتی، گەرچی پێت دابووم بەڵێنی
لە ناو کوردا نەبوو پەیمان شکاندن
لە کێ فێر بووی گوڵم پەیمان شکێنی؟
ئەگەرچی ڕۆیی قەت ناچی لە یادم
دەکەم یادت، بەیادی تۆوە شادم
کە بارگەت بۆ هەوار تێک نا عەزیزم
شکا ئەستووندەکی تاوڵی مرادم
شەوانە هاونشینی جامی بادەم
بە بادە با پەژارە و غەم بە با دەم
کە دەستی ڕۆژگار بای دا سەری من
سەری شووشەی شەراب وا چاکە بادەم
Similar Tracks
هاتەوە تەیرەکەی گەرمێنێ
گۆران ئینزیبات
سنە
کەماڵ فەدەوی
Dawet – Aram Dîkran
ئارام دیکران Aram Dîkran
نابێ لەم شارە بڕۆی
سەنا بەرزەنجی Sena Berzencî
پاییزە لە من درەنگە لە تۆ
کەماڵ قادری
هیوا – ئەیووب عەلی
ئەیووب عەلی – Eyûb Elî
دێم
محەمەد ماملێ Mihemed Mamlê
ڕێی خەباتمان – شەهید هەڵۆ
چریکەی کورد
باران
حەسەن زیافەتی
ماچ
زەکەریا عەبدوڵا Zekerya Ebdula
کوردستان
نازێ عەزیزی Nazê Ezîzî