site loader
site loader
Song image

من و تۆ

By - نەجمەدین غوڵامی Necmedîn Xulamî

من و تۆ وەک خوڕه و هاژەی ڕووبارین
شنەی پاکی شەماڵی گوێ کەنارین
له هەر جێیەک ئەوین ڕەشماڵی هەڵدا
لەوێ سەرگەرمی جێژوانی بەهارین

من و تۆ لەم هەواری سەرزەمینە
مەراممان چێژ و سەرمەستی ئەوینه
ئەوینیش گەر به سۆز پێوانە بکرێ
به قەد مەودای هەموو عالەم بەرینە

که ئێمه وەک گزنگی خۆرەتاو بین
بەرەو ئاسۆ له گەڵ یەک تێکەڵاو بین
به سەر کاروانی کازیوەی شەبەنگا
ئیتر بۆچی مەیل پەرش و بڵاو بین

Min û to wek xure û hajey rûbarîn
Şiney pakî şemalî gwê kenarîn
Le her cêyek ewîn reşmalî helda
Lewê sergermî cêjwanî beharîn

Min û to lem hewarî serzemîne
Meraman çêj û sermestî ewîne
Ewînîş ger be soz pêwane bikrê
Be qed mewday hemû alem berîne

Ke ême wek gizingî xoretaw bîn
Berew aso le gel yek têkelaw bîn
Be ser karwanî kazîwey şebenga
Îtir boçî meyl perş û bilaw bîn

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .