site loader
Song image

مناڵەکان – میکائیل

By - میکائیل مەهابادی Mîkaîl Mehabadî

مناڵەکان! مناڵەکان!
ئەی برسییە ژینتاڵەکان
ئەی یاخییە ژینتاڵەکان
دەسگیرانم کۆترێکی دیاربەکرە
حەزی لە چیا و قاسپەی کەو و ڕەنگی* بەفرە

بۆ گواستنەوەی
زنجیری* چیام قەف قەف بڕی
ڕۆژژمێرم پەڕ پەڕ دڕی
پەساپۆرتم؟
ئاوات و زەردەخەنە بوو
کیسێک کە لە دەرگای سنوورم دا*
لەباتی ماچ
ماچی گەرمی دەسگیرانم
تفی زەردی پۆستاڵڕەشێک
هات، سواخی دا ناوچەوانم!

مناڵەکان
ئەی برسییە ژینتاڵەکان
لەسەر سینگە نەوتاوییەکەی بابەگوڕگوڕ
نزیک تاڤگەی سەروژووری زێڕینی گڕ
گڵکۆیەکی بچکۆلەم دی لێی نووسرابوو ئا لێرەدا
مناڵێکی چاوگەشی کورد
لە برسا مرد، لە برسا مرد
ئەلێرەدا مناڵێکی چاوڕەشی کورد
لە برسا مرد

ڕەنگی*= شاعیر “دەنگی” نووسیوە
زنجیری*= شاعیر “زنجیرەی” نووسیوە
کیسێک کە لە دەرگای سنوورم دا*= شاعیر “کلدان و کیسێک خەنە بوو”ی نووسیوە

وەرگیرانی دەق: https://allekok.ir

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks