وەرە یارم، وەرە ئەی تازە یارم
وەرە ئەستێرەکەی شەوگاری تارم
وەرە ئەی شاپەڕی باڵی خەیاڵم
وەرە ئەی شەوچرای ڕووناکی ماڵم

وەرە ئەی «خەج»، وەرە ئەی «خاتووزین»م
وەرە با بەژن و باڵاکەی ببینم
وەرە با دامرێ ئاوات و تاسەم
وەرە با بسکەکەو لادا هەناسەم

وەرە ئەی نەونەمامی باخی ژینم
وەرە با بەژن و باڵاکەو ببینم
وەرە سوور بە لەسەر وادە و بەڵێنی
وەرە کورد بە و مەکە پەیمان شکێنی

وەرە یارم، وەرە ئەی تازە یارم
وەرە ئەستێرەکەی شەوگاری تارم
وەرە ماچم دەیە ماچی خودایی
کە بێزارم لە ماچی سینەمایی
Were yarim, were ey taze yarim
Were estêrekey şewgarî tarim
Were ey şaperî balî xeyalim
Were ey şewçiray rûnakî malim

Were ey “Xec”, were ey “Xatûzîn”mi
Were ba bejn û balakey bibînim
Were ba damirê awat û tasem
Were ba biskekew lada henasem

Were ey newnemamî baxî jînim
Were ba bejn û balakew bibînim
Were sûr be leser wade û belênî
Were Kurd be û meke peyman şikênî

Were yarim, were ey taze yarim
Were estêrekey şewgarî tarim
Were maçim deye maçî xudayî
Ke bêzarim le maçî sînemayî