لە یارەوە

لە شۆخ و شەنگی پارەوە

لە ڕازی پڕ نیهانییا

لەگەڵ شنەی بەیانییا

گەیشتە لام

بەرامەکەی گوڵاوی باخی نامەکەی

کە ئاوی زیندەگانییە

شەڕابی کامەرانییە

گوڵی هیوای ژیانەوە

گوڵی هیوام

چ نامەیێ؟

چ پەنجەیێ؟ چ خامەیێ؟

ئەوەندە دڵ دەکاتەوە؟

خەفەت لە بیر ئەباتەوە

ئەخاتە ناخی گیانەوە

تەزووی بەتام؟

Le yarewe

Le şox û şengî parewe

Le razî pir nîhanîya

Legel şiney beyanîya

Geyişte lam

Beramekey gulawî baxî namekey

Ke awî zîndeganîye

Şerabî kameranîye

Gulî hîway jiyanewe

Gulî hîwam

?Çi nameyê

?Çi penceyê? Çi xameyê

?Ewende dil dekatewe

Xefet le bîr ebatewe

Exate naxî giyanewe

?Tezûy betam