site loader
site loader
Song image

لە ئاسمانی خۆرنشین

By - لەیلا فەریقی Leyla Ferîqî

بانگی شێوان؛ لە ئاسمانی خۆر نشین
ئەستێرەیەک ئەجریوێنێ؛ گەش، شیرین!
دەور و پشتی دەریای شینە و بە تەنیا
سەرنج ئەدا لە ئێوارەی ڕووی دنیا
لە ئاسمانی خۆر نشین
ئەستێرەیێک گەش، شیرین
دەور و پشتی دەریای شینە و بە تەنیا
سەرنج ئەدا لە ئێوارەی ڕووی دنیا

لەسەر گردێ بەرامبەری ئەوەستم
کەیلی بزەی ئەبێ سەرنجی مەستم
بەڵام ئێستا ئەو ئەسپایی، بەرەوخوار
هەڵەخلیسکێ، کزکز، ئەگاتە لێوار
لە ئاسمانی خۆر نشین
ئەستێرەیێک گەش، شیرین
بەڵام ئێستا ئەو ئەسپایی، بەرەوخوار
هەڵەخلیسکێ، کزکز، ئەگاتە لێوار

لێوی تینووی کەل وەک دڵۆپ ئەیمژێ
ئەی داخەکەم، مەرگی نیشتن ئەیکوژێ
ئەم ئەستێرە، بەسەرهاتی دڵگیری
لە کام ڕۆحا نابزوێنێ سا زوویری
لە ئاسمانی خۆر نشین
ئەستێرەیێک گەش، شیرین
ئەم ئەستێرە، بەسەرهاتی دڵگیری
لە کام ڕۆحا نابزوێنێ سا زوویری

Bangî şêwan; le asmanî xor nişîn
Estêreyek ecrîwênê; geş, şîrîn!
Dewr û piştî deryay şîne û be tenya
Serinc eda le êwarey rûy dinya
Le asmanî xor nişîn
Estêreyêk geş, şîrîn
Dewr û piştî deryay şîne û be tenya
Serinc eda le êwarey rûy dinya

Leser girdê beramberî ewestim
Keylî bizey ebê serincî mestim
Belam êsta ew espayî, berewxwar
Helexilîskê, kizkiz, egate lêwar
Le asmanî xor nişîn
Estêreyêk geş, şîrîn
Belam êsta ew espayî, berewxwar
Helexilîskê, kizkiz, egate lêwar

Lêwî tînûy kel wek dilop eyimijê
Ey daxekem, mergî nîştin eykujê
Em estêre, beserhatî dilgîrî
Le kam roha nabizwênê sa zûyrî
Le asmanî xor nişîn
Estêreyêk geş, şîrîn
Em estêre, beserhatî dilgîrî
Le kam roha nabizwênê sa zûyrî

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks