لەیلا قاسم – دینا

لە سێدارەکەی لەیلاوە بانگی ئازادیمان داوە
بانگێک بە گشت دنیای ئەڵێ چەند مەزنە ئافرەتی کورد
ئای ئەی گەلەکەی لەیلا قاسم
چیتر مەڵێ من بێکەسم
کام میللەتی ئەم دنیایە وەک تۆ خاوەنی لەیلایە
کام نەتەوە بۆ خۆری دوور خانمانی ڕووسوور ڕووسوور
بەرەو سێدارە ڕێ ئەگرن وەک لەیلا بە پێوە ئەمرن
لە سێدارەکەی لەیلاوە بانگی ئازادیمان داوە
بانگێک بە گشت دنیای ئەڵێ چەند مەزنە ئافرەتی کورد

ئای چەند لەگەڵ خاکدا ئەسووتاین
چەند خوێنمان بەخشی چەند گریاین
هێندەش سەربەرزین کە ئەڵێین
ئێمە نەتەوەکەی لەیلاین
ئەی لەیلای کوردستانەکەم
ئەی بووکی نێو مێژووەکەم
تۆ شاگوڵی شەهیدانی
تاجی سەری هەموومانی
لە سێدارەکەی لەیلاوە بانگی ئازادیمان داوە
بانگێک بە گشت دنیای ئەڵێ چەند مەزنە ئافرەتی کورد

کۆپی کردن بێ ئاماژەدان بە سەرچاوە قەدەغەیە

✓ دینا ✓ لەیلا قاسم ✓ لەیلا قاسم دینا