دەستم بە دامێن دەگرم کەمبەرت
چونکە بەگزادەی دەبمە نۆکەرت
دەی جا لوتفت بێ سەدەقەی سەرت

لای لای سوورەگوڵ چۆنت ڕاژێنم
ئیجازەم بدە سەرپەنجەم بێنم
وات ڕادەژێنم ڕات ناچڵەکێنم

دەست بە دەستەوە خانم دەگرم داوێنت
خۆم بم بە سەرگەرد کوڵمی پڕخوێنت
دەیدەم لە تۆڵە مڵکی لاوێنت

لای لای سوورەگوڵ چۆنت ڕاژێنم
ئیجازەم بدە سەرپەنجەم بێنم
وات ڕادەژێنم هەڵت ناستێنم

لای لای سوورەگوڵ، لای لای تاقانەی دایە
بمدەیە ماچێ لە ڕێی ئەو خودایە
وابزانە نان بوو، دات بە گەدایە
Destim be damên degrim kemberit
Çunke begzadey debme nokerit
Dey ca lutfit bê sedeqey serit
Lay lay sûregul çonit rajênim
Îcazem bide serpencem bênim
Wat radejênim rat naçilekênim
Dest be destewe xanim degirim dawênit
Xom bim be sergerd kulmî pirxwênit
Deydem le tole milikî lawênit
Lay lay sûregul çonit rajênim
Îcazem bide serpencem bênim
Wat radejênim helit nastênim
Lay lay sûregul, lay lay taqaney daye
Bimdeye maçê le rêy ew xudaye
Wabizane nan bû, dat be gedaye