لانک لانک لانکۆڵێ

قەیتانی دوو لێوانی نەماوم لە سوێیانی
ئاوری لە من بەرداوە سێوی باغی شێخانی
ئیجازەم لە دایکی سەند ئەوشۆ دەبمە میوانی
پێمگوت ئاوێزانت بم بە ملوێنێ هەرزانی
لانک لانک لانکۆڵێ بۆ تۆ مردم ناسکۆڵێ
باسکم وە ژوور سەری دە باریکە و نەرم و نۆڵێ

قەیتانی دوو لێوانی بەندی لە دڵم وێساوە
سینگی پەنیری کوردی زولفی گیابەند و خاوە
کەلەکەی ئەفەم کونە ئەو ژنە بە مست لێی داوە
پێمگوت نابی بە یارم خوداحافیز ماڵاوا
لانک لانک لانکۆڵێ باریکە و نەرم و نۆڵێ
لانک لانک لانکۆڵێ بۆ تۆ مردم ناسکۆڵێ
باسکم وە ژوور سەری دە باریکە و نەرم و نۆڵێ

لەبەر ئەو ژنە ڕەشتاڵە قەدی دەڵێی شمشاڵە
سەر کەمە سەر ڕانت گیان پێم دادە بەو دەسماڵە
گەر گولە پرسی کێیە ڕامژێنە بڵێ منداڵە
گەر بوو یەکجار چەقەی کرد بمشێلە بڵێ بێحاڵە
لانک لانک لانکۆڵێ بۆ تۆ مردم ناسکۆڵێ
باسکم وە ژوور سەری دە باریکە و نەرم و نۆڵێ

لەبەر ئەو ژنە چەن جوانە سەرتۆپی کوردستانە
سوێندت بۆ بخۆم بە قورئان بە ملوێنێ هەرزانە
ئاوری لە من بەرداوە ژنی گولەی مێردانە
پێم گوت وەرە با جووت بین تا سبەینێ ئەو دەمانە
لانک لانک لانکۆڵێ بۆ تۆ مردم ناسکۆڵێ
باسکم وە ژوور سەری دە باریکە و نەرم و نۆڵێ

کۆپی کردن بێ ئاماژەدان بە سەرچاوە قەدەغەیە

✓ download kurdish music ✓ حەسەن زیرەک لانکۆڵێ ✓ داگرتنی گۆرانی کوردی ✓ لانک لانک لانکۆڵێ ✓ لانکۆڵێ حەسەن زیرەک