site loader
site loader
Song image

قژی نەرمت

By - نەجمەدین غوڵامی Necmedîn Xulamî

قژی نه‌رمت وه‌كو تاڵی خۆره‌تاو
به‌سه‌ر شان و قۆڵی سپی په‌رش و خاو
نه‌غمه‌ی شیرین ، ئاوازی خۆش له‌ ده‌نگا
ورشه‌ی سه‌رنج ، له‌ناو چاوێكی مه‌نگا
خاڵێكی كاڵ، نه‌خشێكی جوان له‌سه‌ر ڕوو
به‌ژن و باڵات، وردیله‌ و ڕێك و هه‌ڵچوو
زه‌رده‌خه‌نه‌ی ئه‌و ڕووه‌، هی ئه‌و لێوه‌
فریشته‌ی هه‌ست، هی ئه‌م دڵه‌ بزێوه‌
وای لێ ئه‌كات بێته‌ سه‌ماو گۆرانی
بیله‌رزێنێ ته‌لی ئاوازی جوانی

قژی نه‌رمت وه‌كو تاڵی خۆره‌تاو
به‌سه‌ر شان و قۆڵی سپی په‌رش و خاو
نه‌غمه‌ی شیرین ، ئاوازی خۆش له‌ ده‌نگا
ورشه‌ی سه‌رنج ، له‌ناو چاوێكی مه‌نگا
دره‌خته‌كه‌ی سه‌ر كانیه‌كه‌ی باخی چه‌م
پێئه‌كه‌نێ گه‌ڵای ئه‌ڵێن: پڕ به‌ ده‌م
له‌ بیرمانه‌، مناڵ بوون له‌ ناو باخا
زه‌رده‌ی ده‌متان، ئه‌دا به‌ پشتی داخا
تۆ بنواڕه‌ ئه‌و كانی یه‌ نازداره‌
ئێسته‌ش وێنه‌ی هه‌ردوكمانی تیا دیاره‌

تۆم خۆشئه‌وێت به‌ڵام نابم به‌ یه‌خسیر
له‌ تاوی قژ، بۆ دڵم بكه‌ی به‌ زنجیر!؟
نه‌ شوانم به‌، نه‌ شوانتبم به‌ شمشاڵ
بۆ دڵێكی ووشك، بكه‌ین په‌ڕ و باڵ
نه‌ كوڕنوشت بۆ ئه‌به‌م، نه‌ تۆش بۆ من
با له‌ باخی شادیا، ده‌ست له‌ گه‌ردن
دوو دڵدار بین ، به‌ڕاستی دوو فریشته‌
ئه‌و ژیانه‌ به‌وجۆره‌ بێت به‌هه‌شته‌
له‌ گوڵی یاد، له‌ یادی جوان و ڕه‌نگین
پێشكه‌شت بیت چه‌پكێك گوڵاڵه‌ی شیرین
Qijî nermit weku talî xoretaw
Beser şan û qolî sipî perş û xaw
Nexmey şîrîn, awazî xoş le denga
Wirşey serinc, lenaw çawêkî menga
Xalêkî kal, nexşêkî ciwan leser rû
Bejn û balat, wirdîle û rêk û helçû
Zerdexeney ew ruwe, hî ew lêwe
Frîştey hest, hî em dile bizêwe
Way lê ekat bête semaw goranî
Bîlerzênê telî awazî ciwanî

Qijî nermit weku talî xoretaw
Beser şan û qolî sipî perş û xaw
Nexmey şîrîn, awazî xoş le denga
Wirşey serinc, lenaw çawêkî menga
Dirextekey ser kanyekey baxî çem
Pêekenê gelay elên: pir be dem
Le bîrmane, minal bûn le naw baxa
Zerdey deman, eda be piştî daxa
To binware ew kanî ye nazdare
Êsteş wêney herdukmanî tya diyare

Tom xoşewêt belam nabim be yexsîr
Le tawî qij, bo dilim bikey be zincîr!?
Ne şwanim be, ne şwanit bim be şimşal
Bo dilêkî wuşk, bikeyn per û bal
Ne kurnuşit bo ebem, ne toş bo min
Ba le baxî şadya, dest le gerdin
Dû dildar bîn, berastî dû firîşte
Ew jiyane bewcore bêt beheşte
Le gulî yad, le yadî ciwan û rengîn
Pêşkeşt bît çepkêk gulaley şîrîn

کۆپی کردن بێ ئاماژەدان بە سەرچاوە قەدەغەیە
More

Comment (1)

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks