
فاتمە دوو چاوی مەستت-نیان مەحموود
By - چریکەی کورد
فاتمە دوو چاوی مەستت پڕ تەلیسمی جوانییە
پڕ شەرابی خۆشەویستی و عارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت مۆسیقایە بەستەیە گۆرانییە
بووکی ڕازاوەی خەیاڵم گیانەکەم ست فاتمە
تاقە پڕشنگێکی چاوت ئەوپەڕی ئاواتمە
گەرچی دڵداری لە خاکی ئێمەدا ئەفسانەیە
هەر بەتەنیا بۆ کوڕی خاوەن تەلار و عانەیە
گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە
هەر بەتەنیا خۆشەویستی شک ئەبەم ست فاتمە
سەروەتم ناوێ بزەی تۆ ئەوپەڕی ئاواتمە
خۆشەویستی وا کە نامەی خوایە بۆ پێغەمبەران
بەرز و ناسک وەک هەناسەی پڕ گوڵاوی دولبەران
نەک وەکوو حەزکردنی دینار و گەوهەر پەروەران
ئەو کەسانەی بۆ قڕانێ چەندە دڵیان هەڵوەران
خەڵقی تر پارەپەرستی با بکەن ست فاتمە
من بە تەنیا تۆ پەرستی ئەوپەڕی ئاواتمە
زۆر کەڕەت هانم ئەدا داخی دەروونی پڕ گڕم
بۆتی هەڵڕێژم سکاڵای ناسکی گەرم و گوڕم
داخەکەم کاتێ کە دێمە بەردەمت واقی وڕم
وام ئەشێوێنێ بە جۆرێ نایەڵێ هیچ دەربڕم
بووکی ڕازاوەی خەیاڵم گیانەکەم ست فاتمە
گوێیە بۆ ئەم ڕازە شل کەی ئەوپەڕی ئاواتمە
Similar Tracks
ئەی خودا لەم ئاگربارانە – ئەسعەد قەرەداغی
ئەسعەد قەرەداغی
Sipanê Xelatê
موراد بەکتاش
ناڵەی جودایی
ئاوات بۆکانی Awat Bokanî
جێژوان
محەمەد ماملێ Mihemed Mamlê
ئەی مانگ – عەلی مەردان
عەلی مەردان Elî Merdan
ئەفتاو – هۆمەر دزەیی
هۆمەر دزەیی Homer Dizeyî
دەردی دڵ
بۆکان هەورامی
بەهار هاتەوە
شۆڕش مەحموودی Şoriş Mehmûdî
بەڵێنمان شکاند – ئەیووب عەلی
ئەیووب عەلی – Eyûb Elî
گۆڕستانی چراکان – بەشی چوارەم – شێرکۆ بێکەس
شێرکۆ بێکەس Şêrko Bêkes
سیروان دەخیلە – میدیا حسێن
میدیا حسێن Mîdya Hisên