وا خەریکە بازی غوربەت

چاوی دڵم هەڵئەکۆڵێ

هەر به نینۆک له دەشتی لاخ

شەمامەی ڕۆح هەڵئەکۆڵێ

له من گەڕێ ئەی بازی گەڕ

به مردنیش پێت ناخورێم

من له خۆما دیوارێکم

سەد نیشتمان پێت ناڕوخێم

چاوم خێوەتی گەرمیانە و

دڵم دەشتی شارەزوورە

دەسم خوێنی سلێمانی‌ و

سەرم سنەی به مەهجووره

قامەتم خۆ نەخشی قەڵای

پیره شاری هەولێریانە

هەناسەم خۆ بۆن دووکەڵی

نەورۆزەکەی کوردستانه

با سەریشم له هەڵاڵەی

بەفرا سپی بچێتەوە

له دووکەڵا به سەر کوانووی

بەر بارانا بشکێتەوە

با ڕەنگیشم به ڕەنگی زام

به وەنەوشەی بێ ئاو بچێ

له ژێر زەڵمی فرمێسکا دڵ

هەر به بەردی چەمان بچێ

وا خەریکە بازی غوربەت

چاوی دڵم هەڵئەکۆڵێ

هەر به نینۆک له دەشتی لار

شەمامەی ڕۆح هەڵئەکۆڵێ

ئەی بازی گەڕ له من هەڵێ

من خۆم غوربەت به ڕۆح دێنم

ئیتر من چۆن له گەڵ تۆدا

شەڕی غوربەت ئەدۆڕێنم

Wa xerîke bazî xurbet

Çawî dilim helekolê

Her be nînok le deştî lax

Şemamey roh helekolê

Le min gerê ey bazî ger

Be mirdnîş pêt naxurêm

Min le xoma dîwarêkim

Sed nîştiman pêt naruxêm

Çawim xêwetî Germyane û

Dilim deştî Şarezûre

Desim xwênî Silêmanî û

Serm Siney be mehcûre

Qametim xo nexşî qelay

Pîre şarî Hewlêryane

Henasem xo bon dûkelî

Newrozekey Kurdistane

Ba serîşim le helaley

Befra sipî biçêtewe

Le dûkela be ser kwanûy

Ber barana bişkêtewe

Ba rengîşim be rengî zam

Be wenewşey bê aw biçê

Le jêr zelmî firmêska dil

Her be berdî çeman biçê

Wa xerîke bazî xurbet

Çawî dilim helekolê

Her be nînok le deştî lax

Şemamey roh helekolê

Ey bazî ger le min helê

Min xom xurbet be roh dênim

Îtir min çon le gel toda

Şerî xurbet edorênim