site loader
Song image

گریانی نیوەشەو

By - حەسەن دەرزی Hesen Derzî

شەوانە ئەو دەمانەی شەو دەگاتە کاتی نیوەی شەو
خەڵک نووستوون لە چاوی من کەسەر دیسان ڕەواندی خەو
سکوتێکی بەسام سەرتاسەری ئەم دێیە دادەگرێ
دەڵێی هەر زیندەوارێکی هەیە لەم دێیەدا دەمرێ
دەڵێی هەر زیندەوارێکی هەیە لەم دێیەدا دەمرێ

تەک و تەنیا بە ئارامی دەچم بۆ گردەکەی بەر دێ
بە دڵتەنگی و کز و خەمناکی ڕادەکشێم لەسەر بەردێ
دەکەم جا سەیری ئەستێران و هەڵدەمژم شنەی شەوبا
شەو بێدەنگی چ خۆشە هەمیشە خۆزگە هەر شەو با

وەکوو ئاواڵی چاک ئەستێرەکان گوێ ڕادەدێرن بۆم
هەتا بۆیان بەیان کەم موو بە موو ڕازی دەروونی خۆم
کوڵم هەڵدەستێ و ئەو جارە لەبەر دەردم دەناڵێنم
هەتا ئاگری دڵم دەکوژێتەوە ئەسرین دەبارێنم

شەوانە گەر نەکەم ئەو شیوەن و ناڵین و گریانە
دەسووتێنێ وجوودم ئاگری ئەم جەرگە بریانە
بەڵێ گریانی نیوەی شەو دەکا ناسۆری دڵ مەرحەم
کوڵ و کۆم دادەمرکێنێ و بەجێ دێڵێ دڵی من خەم
کوڵ و کۆم دادەمرکێنێ و بەجێ دێڵێ دڵی من خه‌م

Şewane ew demaney şew degate katî nîwey şew
Xelik nûstûn le çawî min keser dîsan rewandî xew
Skutêkî besam sertaserî em dêye dadegirê
Delêy her zîndewarêkî heye lem dêyeda demrê
Delêy her zîndewarêkî heye lem dêyeda demrê

Tek û tenya be aramî deçim bo girdekey ber dê
Be diltengî û kiz û xemnakî radekşêm leser berdê
Dekem ca seyrî estêran û heldemijim şney şewba
Şew bêdengî çi xoşe hemîşe xozge her şew ba

Wekû awalî çak estêrekan gwê radedêrn bom
Heta boyan beyan kem mû be mû razî derûnî xom
Kulim heldestê û ew care leber derdim denalênim
Heta agrî dilim dekujêtewe esrîn debarênim

Şewane ger nekem ew şîwen û nalîn û giryane
Desûtênê wicûdim agrî em cerge biryane
Belê giryanî nîwey şew deka nasorî dil merhem
Kul û kom dademrikênê û becê dêlê dilî min xem
Kul û kom dademrikênê û becê dêlê dilî min xem

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks