لەسەروی قامەتی یار، عەتر و عەبیر دەباری
دڵانی خستە لەرزە، لەرەی مەمکی هەناری
مەست مەست بە نیمنیگاوە، دوو نێرگسی خوماری
بە خەندە زوڵفی لادا، لەسەر عوزار و زاری
دونیا بە ئیتیزاری، شیرین تەشی دەڕێسێ
هاوار شیرین گیان، ئامان شیرین گیان

تەشی وەکو دڵی من، لە دەستی ئەو دەلەرزی
چەند جوان و دڵڕفێنە، ئافتاب و تەور و تەرزی
کاتێ کە بۆ سەر ئاوێ، زولفی لە سەرووی بەرزی
کە شەو بەیانی بەردا، گوڵ و وەنەوشە باری
دونیا بە ئیتیزاری، شیرین تەشی دەڕێسێ
هاوار شیرین گیان، ئامان شیرین گیان

پەنجەی بە چەشنی شمشاڵ، دوو دەستی پڕ لە خرخاڵ
ڕوومەت سپی، دوو لێو ئاڵ، پەرچەم سیاهـ بوو چاو کاڵ
وەک ڕەنگی نەخشی مانی، باڵا و کوڵم و خەت و خاڵ
سەڵای لە عاشقان دا، باغی گوڵ و هەناری
دونیا بە ئیتیزاری، شیرین تەشی دەڕێسێ
هاوار شیرین گیان، ئامان شیرین گیان

Leseruy qametî yar, etir û ebîr debarî
Dilanî xiste lerze, lerey memkî henarî
Mest mest be nîmnîgawe, dû nêrgisî xumarî
Be xende zulfî lada, leser uzar û zarî
Dunya be îtîzarî, Şîrîn teşî derêsê
Hawar Şîrîn giyan, aman Şîrîn giyan

Teşî weku dilî min, le destî ew delerzî
Çend ciwan û dilrifêne, aftab û tewr û terzî
Katê ke bo ser awê, zulfî le serûy berzî
Ke şew beyanî berda, gul û wenewşe barî
Dunya be îtîzarî, Şîrîn teşî derêsê
Hawar Şîrîn giyan, aman Şîrîn giyan

Pencey be çeşnî şimşal, dû destî pir le xirxal
Rûmet sipî, dû lêw al, perçem siyah bû çaw kal
Wek rengî nexşî manî, bala û kulm û xet û xal
Selay le aşiqan da, baxî gul û henarî
Dunya be îtîzarî, Şîrîn teşî derêsê
Hawar Şîrîn giyan, aman Şîrîn giyan