site loader
site loader
Song image

شار

By - ژاڵە سنەیی Jale Sineyî

ئەڵێم ئەم شارە جێ بێڵم سەفەر کەم
بڕۆم و خۆم لە عالەم دەربەدەر کەم
بە هاواری دڵ و بارانی دیدەم
لە دەردی خۆم هەموو عالەم خەبەر کەم
ئەڵێم ئەم شارە جێ بێڵم سەفەر کەم
بڕۆم و خۆم لە عالەم دەربەدەر کەم

ڕەفیقانم گەلێ پەیمان شکێنن
بلا ڕاکەم لە دیتنیان حەزەر کەم
هەڵۆی شاخم کەوی دیلی قەفەس نیم
بڕۆم و ڕوو لە کێوان و کەمەر کەم
ئەڵێم ئەم شارە جێ بێڵم سەفەر کەم
بڕۆم و خۆم لە عالەم دەربەدەر کەم

هەموو نامۆن و من تاک و غەریبم
نەماوە ئاشنا بۆ کوێ نەزەر کەم
شەوارەم بێ نەبینم ڕۆژی ڕووناک
ئەگەر بەو شارەدا ئیتر گوزەر کەم
ئەڵێم ئەم شارە جێ بێڵم سەفەر کەم
بڕۆم و خۆم لە عالەم دەربەدەر کەم

Elêm em şare cê bêlim sefer kem
Birom û xom le ‘alem derbeder kem
Be hawarî dil û baranî dîdem
Le derdî xom hemû ‘alem xeber kem
Elêm em şare cê bêlim sefer kem
Birom û xom le ‘alem derbeder kem

Refîqanim gelê peyman şikênin
Bila rakem le dîtinyan hezer kem
Heloy şaxim kewî dîlî qefes nîm
Birom û rû le kêwan û kemer kem
Elêm em şare cê bêlim sefer kem
Birom û xom le ‘alem derbeder kem

Hemû namon û min tak û xerîbim
Nemawe aşna bo kwê nezer kem
Şewarem bê nebînim rojî rûnak
Eger bew şareda îtir guzer kem
Elêm em şare cê bêlim sefer kem
Birom û xom le ‘alem derbeder kem

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks

Gulbarîn

هانی موجتەهیدی ‌Hanî Muctehîdî