site loader
site loader
Song image

شاری دڵ

By - حەسەن دەرزی Hesen Derzî

گوڵەکەم! شاری دڵم پاییزە لێی داوە بڕۆ
تۆ گەشی، هەڵدەپڕووکێی، مەیە ئەو ناوە بڕۆ
بولبولی بێ‌کەسی دم پڕ لە هەرا جواب کە، بڵێ:
تۆ دەبێ هەر قەفەسی بی، بەشە، وا بڕاوە، بڕۆ
هەموو کەس لێرە دەزانن کە دنەی شێعری منی
لە هەموو بەزمێ ئەوینی من و تۆ قاوە بڕۆ
تۆ هەڵۆی بەرزەفڕی، شاری دڵم نزمە لەبۆت
بێ‌بەڵا بی گوڵەکەم! کوا ئەوە جێی ڕاوە؟ بڕۆ
گەر دەترسی لەوە “ئاسۆ” خەمی تۆی دەرچێ لە دڵ
تا ئەبەد تەوقی وەفای تۆی لە ملا ماوە، بڕۆ

چۆڵگەیە و کاکی‌بە‌کاکی، نییە تێیدا نەفەرێ
ڕێگەی ئەم شارە بە داوی خەمە تەنراوە بڕۆ
نامەوێ پێت لە چڵی داوی خەمێ گیربێ گوڵم!
زولفی تۆ بۆ دڵی سەدها وەکوو من داوە بڕۆ
گوڵەکەم! شاری دڵم بۆمبی جەفای بوو بە خەڵات
تا لەشت بەم گڕەمشقاڵە نەسووتاوە بڕۆ
هەر دەبێ ڕۆژێ بە ئازادی لەگەڵ یەک بدوێین
ئێستە وا دڵ بە تەمی وستەوە تاساوە بڕۆ

Gulekem! Şarî dilim payîze lêy dawe biro
To geşî, heldepirûkêy, meye ew nawe biro
Bulbulî bêkesî dim pir le hera ciwab ke, bilê:
To debê her qefesî bî, beşe, wa birawe, biro
Hemû kes lêre dezanin ke diney şê’rî minî
Le hemû bezmê ewînî min û to qawe biro
To heloy berzefirî, şarî dilim nizme lebot
Bêbela bî gulekem! Kwa ewe cêy rawe? Biro
Her debê rojê be azadî legel yek bidwêyn
Êste wa dil be temî wistewe tasawe biro
Ger detrisî lewe “Aso” xemî toy derçê le dil
Ta ebed tewqî wefay toy le mila mawe, biro

Çolgeye û kakîbekakî, nîye têyda neferê
Rêgey em şare be dawî xeme tenrawe biro
Namewê pêt le çilî dawî xemê gîrbê gulim!
Zulfî to bo dilî sedha wekû min dawe biro
Gulekem! Şarî dilim bombî cefay bû be xelat
Ta leşt bem gremişqale nesûtawe bro

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks