site loader
site loader
Song image

سەردەمێک بوو (نیاز)

By - ناسر ڕەزازی Nasir Rezazî

سەردەمێک بوو بێ نەغمە بوو باغچەی ژیانم
بێ ورتە بوو ناو هێلانەی بولبولەکانم
لەرەی دەنگی شادمانی و نەشئەم خنکا بوو
شەپۆلی بای بەرە و جۆشم مەنگ ڕاوەستا بوو

ناهومێد بووم وام ئەزانی دەردێکە کاری
بەرەو پیری چووم هێنایە دیاری ئێجگاری
چاوەڕوان بووم ساکەی گەردون گەردونی بێ‌باک
جانەوەری گۆڕ هان ئەدا بمکاتە خۆراک

بەڵام ئەی یار یاری نازدار شۆڕەژنی شۆخ
بەلێوی ئاڵ بە چاوی ڕەش چاوی ڕەشی تۆخ
بەم جوانیانەی کە زینەتی بەهەشتی دنیان
بەم جوانیانە کە لە تۆدا هەموویان پەیدان

لەو رۆژەوە دیومە سێحری زەردە خەنەی تۆ
دنیای دەروون مەلەکانی هاتوونەوە گۆ
سه‌رچاوه‌که‌ی عومری جوانیم هاتۆتەوە کوڵ
باغچەی ژینم پڕ بۆتەوە لە نەمامی گوڵ

Serdemêk bû bê nexme bû baxçey jiyanim
Bê wirte bû naw hêlaney bulbulekanim
Lerey dengî şadimanî û neşem xinka bû
Şepolî bay bere û coşim meng rawesta bû

Nahumêd bûm wam ezanî derdêke karî
Berew pîrî çûm hênaye diyarî êcgarî
Çawerwan bûm sakey gerdun gerdunî bêbak
Canewerî gor han eda bimkate xorak

Belam ey yar yarî nazdar şorejinî şox
Belêwî al be çawî reş çawî reşî tox
Bem ciwanyaney ke zînetî beheştî dinyan
Bem ciwanyane ke le toda hemûyan peydan

Lew rojewe dîwme sêhrî zerde xeney to
Dinyay derûn melekanî hatûnewe go
Serçawekey umrî ciwanîm hatotewe kul
Baxçey jînim pir botewe le nemamî gul

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks