لە دەفتەری قوتابخانان
لەسەر تەختەی ناو پۆلەکان
لەسەر درەخت، لەسەر لم و لەسەر سەهۆڵ
لەسەر بەفری تازە و سپی
ناوت ئەنووسم سەربەستی
ناوت ئەنووسم سەربەستی
لە لاپەڕەی بۆر و نووسراو
لە لاپەڕەی سپی و بێناو
لە بەرد و دار
دار و دیوار
دار و دیوار
لە سەر مەشخەڵی کڵپەدار
ناوت ئەنووسم سەربەستی
ناوت ئەنووسم سەربەستی

لەسەر وێنە و نەخشی زێڕین
لەسەر چەکی جەنگاوەران
لەسەر تاج و تەختی زێڕین
لە جەنگەڵ و دۆڵ و بیابان
لەسەر پینەی بەرگی خاکی و
لەسەر شەتاوی مانگەشەو
لەسەر مەچەکی ماندوویی
ناوت ئەنووسم سەربەستی
ناوت ئەنووسم سەربەستی

لەسەر کێڵگە و لەسەر ئاسۆ
لەسەر پەڕ و باڵی مەلان
لە ڕەنگ و بۆنی کازیوە
لە ئارەقی خەستی زریان
لە دیوار و تەختەی دەرگا
لە هەر شتێ بەنرخە لات
لە شەپۆلی گڕی پیرۆز
ناوت ئەنووسم سەربەستی
ناوت ئەنووسم سەربەستی