ئەی مەلی وردیلەی دەنگ خۆش

بۆم بڵێ ئاوازێک به جۆش

ئاوازێک بێ هی خوێن ڕشتن

نەغمەی ئازادی و سەرکەوتن

من کەسێکم بۆ ژیان ئەمرم

نه وەکوو بۆ مردن بژیم

بەستەی گەرم وەکوو هەتاو

هی هەڵپەڕکێ کۆڕی خوێناو

بەستەی گیان و دڵ هی دەروون

شیعری ئەوانەی سەرکەوتوون

من کەسێکم بۆ ژیان ئەمرم

نه وەکوو بۆ مردن بژیم

وەک چنگی کارد خوێناوی بێ

وەک خوێنی دڵ جۆشی تیابێ

باسی ڕۆژانی جاران بێ

هی تاریکایی زیندان بێ

من کەسێکم بۆ ژیان ئەمرم

نه وەکوو بۆ مردن بژیم

دایه گیان مەگری وەک جاران

ئیتر نامبەنەوە زیندان

دڵنـیا به دوژمنەکەم

من زنجیری له پێ ئەکەم

من کەسێکم بۆ ژیان ئەمرم

نه وەکوو بۆ مردن بژیم

ھۆنراوە: #سمایل_خورماڵی

Ey melî wirdîley deng xoş

Bom bilê awazêk be coş

Awazêk bê hî xwên riştin

Nexmey azadî û serkewtin

Min kesêkim bo jiyan emrim

Ne wekû bo mirdin bijîm

Bestey germ wekû hetaw

Hî helperkê korî xwênaw

Bestey giyan û dil hî derûn

Şî’rî ewaney serkewtûn

Min kesêkim bo jiyan emrim

Ne wekû bo mirdin bijîm

Wek çingî kard xwênawî bê

Wek xwênî dil coşî tiya bê

Basî rojanî caran bê

Hî tarîkayî zîndan bê

Min kesêkim bo jiyan emrim

Ne wekû bo mirdin bijîm

Daye giyan megrî wek caran

Îtir nambenewe zîndan

Dilniya be dujiminekem

Min zincîrî le pê ekem

Min kesêkim bo jiyan emrim

Ne wekû bo mirdin bijîm