site loader
Song image

زولفت بە قەدتدا

By - تاهیر تۆفیق Tahîr Tofîq

زوڵفت به قه‌دتدا که په‌رێشان و بڵاوه
ئه‌مڕۆ له منی شیفته ئاڵۆز و به داوه
عومرێکی درێژه به خه‌یاڵی سه‌ری زوڵفت
سه‌ودا و په‌رێشانم و، سه‌ودایه‌کی خاوه
بۆچی نه‌گریم، سه‌د که‌ڕه‌تم دڵ ده‌شکێنی!
بۆ مهی نه‌ڕژێ، شیشه له سه‌د لاوه شکاوه!
«مانی» نیه‌تی قووه‌تی ته‌سویری برۆی تۆ
ئه‌م قه‌وسه به ده‌ستی موته‌نه‌ففیس نه‌کشاوه

ئه‌م عومره عه‌زیزه که له بۆت نه‌قد و دراو
سه‌د حه‌یف و درێغا که موسوڵمانی نه‌ماوه!
هه‌رچه‌نده که ڕووتم، به‌خودا مائیلی ڕووتم
بێبه‌رگییه عیلله‌ت که هه‌تیو مه‌یلی هه‌تاوه
بێفائیده‌یه مه‌نعی من ئێستاکه له گریان
بۆ عاشقی بێچاره زوو ئه‌م ئاوه ڕژاوه!
هه‌ر جۆگه و جێگێکی که‌وا سوور و سوێر بێ
جێی جۆششی گریانی منه و خوێنه ڕژاوه
سۆزی دڵمه باعیسی تاو و کوڵی گریان
مه‌علوومه که ئاگر سه‌به‌بی جۆششی ئاوه
نالی وه‌کوو زوڵفت که موتیعی به‌ری پێته
تێکی مه‌شکێنه، به جه‌فا مه‌یخه‌ره لاوه

Zulfit be qeditda ke perêşan û bilawe
Emro le minî şîfte aloz û be dawe
umrêkî dirêje be xeyalî serî zulfit
Sewda û perêşanim û sewdayekî xawe
Boçî negrîm, sed keretim dil deşkênî
Bo mey nerjê, şîşe le sed lawe şikawe
“Manî” niyetî quwetî teswîrî biroy to
Em qewse be destî mutenefîs nekşawe

Em umre ezîze ke le bot neqd û draw
Sed heyf û drêxa ke musulmanî nemawe
Herçende ke rûtim, bexuda maîlî rûtim
Bêbergîye ‘îlet ke hetîw meylî hetawe
Bêfaîdeye men’î min êstake le giryan
Bo ‘aşqî bêçare zû em awe rijawe!
Her coge û cêgêkî kewa sûr û siwêr bê
Cêy coşişî giryanî mine û xwêne rijawe
Sozî dilme ba’îsî taw û kulî giryan
Me’lûme ke agir sebebî coşişî awe
Nalî wekû zulfit ke mutî’î berî pête
Têkî meşikêne, be cefa meyxere lawe

کۆپی کردن بێ ئاماژەدان بە سەرچاوە قەدەغەیە
More

Comments (2)

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks