site loader
Song image

دە وەرە گوڵم

By - حەسەن زیرەک ‌Hesen Zîrek

لە دونیادا نییە وەک من بە عەشقی ئەو گرفتارێ
سەر و ماڵم لە ڕێ دانا کەچی لوتفی نەبوو جارێ
هەژار و دەربەدەر ڕۆژێ لە کووچە و قوژبنی شارێ
ئەمان مەردم عیلاجێ سا لە ڕێی پێغەمبەرا چارێ
ویساڵ یا قەتڵە یا تەسکین لە هەر سێ بۆم بکەن کارێ

خۆزگەم بەوەی لە دووی تۆ
کە دەڕوانێتە ڕووی تۆ
نامرێت بە ئارەزووی تۆ
کچێ لە حەسرەت جووتێک لیمۆ
دە وەرە گوڵم نێوی دڵم تا هێزم ماوە
قۆڵت بکە بە سەرینم ئەی نازەنینم
وەی وەی وەی وەی
باسکت بنێ ژوور سەرینم مەرگت نەبینم

خۆزگەم بەوەی لە لاتە
وێنەی من مبتەلاتە
کوشتەی پاوەنەی پاتە
تا مردن هەر لە لاتە
زوو وەرە گوڵم نێوی دڵم تا هێزم ماوە
قۆڵت بکە بە سەرینم هەی نازەنینم
وەی وەی وەی وەی
باسکت بکە بکە سەرینم مەرگت نەبینم

هەتا جەوان بووم فرە پیر نەبووم
هەتا جەحێڵ بووم فرە پیر نەبووم
ئەمکرد ڕاوی باز سۆنەگیر نەبووم
ئێستا کە پیر بووم من ئەگرم سۆنە
سۆنەش سڵ دەکا لە داوی کۆنە

ئەها لەو چاو جوانە سەرتۆپی کوردستانە
پێم گوت ئاوێزانت بم بە دزی و بە مەحرەمانە
زوو وەرە گوڵم نێوی دڵم تا هێزم ماوە
قۆڵت بکە بە سەرینم هەی نازەنینم
وەی وەی وەی وەی
باسکت بکە بکە سەرینم مەرگت نەبینم

Le dunyada nîye wek min be eşqî ew griftarê
Ser û malm le rê dana keçî lutfî nebû carê
Hejar û derbeder rojê le kûçe û qujbinî şarê
Eman merdim ‘îlacê sa le rêy pêxembera çarê
Wîsal ya qetle ya teskîn le her sê bom biken karê

Xozgem bewey le dûy to
Ke derwanête rûy to
Namrêt be arezûy to
Kiçê le hesret cûtêk lîmo
De were gulim nêwî dilim ta hêzim mawe
Qolit bike be serînim ey nazenînim
Wey wey wey wey
Baskit binê jûr serînim mergit nebînim

Xozgem bewey le late
Wêney min mibtelate
Kuştey paweney pate
Ta mirdin her le late
Zû were gulim nêwî dilim ta hêzim mawe
Qolit bike be serînim hey nazenînim
Wey wey wey wey
Baskit bike be serînim mergit nebînim

Heta cewan bûm fire pîr nebûm
Heta cehêl bûm fire pîr nebûm
Emkird rawî baz sonegîr nebûm
Êsta ke pîr bûm min egrim sone
Soneş sil deka le dawî kone

Eha lew çaw ciwane sertopî Kurdistane
Pêm gut awêzanit bim be dizî û be mehremane
Zû were gulim nêwî dilim ta hêzim mawe
Qolit bike be serînim hey nazenînim
Wey wey wey wey
Baskit bike be serînim mergit nebînim

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks

سڵاو

میکائیل مەهابادی Mîkaîl Mehabadî