یەی کەڵ مەسێگ ها شارمان
بەرزە چەنە چنارەگان
چەوی ڕەژن وە میل گیان
ناوی چڕن وە خوار و بان
یەکی یەکی و دووان دووان
دەردی وە ماڵێ ئاسمان
دەنگێ بەرزێ هریکەگەی
شەقەی خوەشێ نازێ خەنەی
تا وەو دەم قەشەنگەو تییەی
خەیدەمە هۊر باخێ بەی
ئەی چەو کەو خوەش سەر زوان
دەردی وە ماڵێ ئاسمان

وەختێ کە سەروین نەیدە سەر
یا سەڵتە و زونێ کەیدە وەر
یا شاڵ بەسیدە قەی کەمەر
هەر تانە دەیدە مانگ و خوەر
ناوی چڕن وە کەشکەشان
دەردی وە ماڵێ ئاسمان
ئی کەڵ مەسە وینەی نییە
تا گەر کەفێدەو ئی ڕییە
چمان فریشتەیگ هاتییە
داخم کەسیگ لەلی دییە؟
زڕەی خەو لە چەوم پەڕان
دەردی وە ماڵێ ئاسمان

نامێ خودا بکەن ئەڕای
هەرچی گدارە ها لە سای
خوەریش شەوانە ها لە لای
زەمین خوەی خەیدە ژیرێ پای
ئەی شووخ و شەنگێ چەو جوان
دەردی وە ماڵێ ئاسمان

Yey kel mesêg ha şariman
Berze çene çnaregan
Çewî rejin we mîl giyan
Nawî çirin we xwar û ban
Yekî yekî û duwan duwan
Derdî we malê asman
Dengê berzê hirîkegey
Şeqey xweşê nazê xeney
Ta wew dem qeşengew tîyey
Xeydeme hûr baxê bey
Ey çew kew xweş ser zwan
Derdî we malê asman

Wextê ke serwîn neyde ser
Ya selte û zunê keyde wer
Ya şal besîde qey kemer
Her tane deyde mang û xwer
Nawî çirin we keşkeşan
Derdî we malê asman
Î kel mese wîney nîye
Ta ger kefêdew î rîye
Çiman frîşteyg hatîye
Daxim kesîg lelî dîye
Zirey xew le çewim peran
Derdî we malê asman

Namê xuda biken eray
Herçî gidare ha le say
Xwerîş şewane ha le lay
Zemîn xwey xeyde jîrê pay
Ey şûx û şengê çew ciwan
Derdî we malê asman