site loader
site loader
Song image

دۆی دادە

By - چۆپی فەتاح Çopî Fetah

دەڵێن دۆی داده ڕژاوە
بۆیە وا کز و داماوە
نەخێر منداڵان درۆیە
دادە گەلێ دادە گەلێ گەلێ
لەمەی زیاتر لێ قەوماوە
سێ کوڕی ئەنفال کراوە
سێزدە جار ماڵی سووتاوە
گوندەکەی خاپوور کراوە
نانی سواڵ نەبێ شک نابا و
برسێتی تینی هێناوە
هەرچی خزم و کەسی هەیە
لە کەرکووک وەدەر نراوە
دەڵێن دۆی داده ڕژاوە
بۆیە دادە وا کز و داماوە

چوار برازای وا دوو ساڵە
ڕوویان لە ئەوروپا ناوە
یەکێکیان لەسەر سنووری دەسکرد
بە دەستی تورکان کوژراوە
یەکێکیان لەناو ئاوی ئیجەدا خنکاوە
یەکێکیان لە یۆنان تێ ماوە
یەکێکیان لە ئاڵمانیا لە بەهەشتی ئەوروپادا
دۆزەخی بۆ ساز کراوە
بێ ئیش بێ زمان بێ پاسەپۆرت
دەڵێن مێشکی لە دەست داوە
دەڵێن دۆی داده ڕژاوە
بۆیە دادە وا کز و داماوە
دادەی هەژار کوا دۆی ماوە

نا نا منداڵان درۆیە
دادەی هەژار کوا دۆی ماوە
دەمێکە مەڕ و ماڵاتی بردراوە سەر بڕدڕاوە
مێردی دە ساڵ پێشمەرگە بووە
ئێستا ناویشی نەماوە
دوو کچی هەن بێوەژنن
کۆڵێ منداڵی برسییان تێ ئاڵاوە
کچێکیشی هەر بە سەوزی هەڵووشراوە
نا نا منداڵان درۆیە
دادەی هەژار کوا دۆی ماوە
دەڵێن دۆی داده ڕژاوە
بۆیە دادە وا کز و داماوە
دەڵێن دۆی داده ڕژاوە
دادەی هەژار کوا دۆی ماوە

Delên doy dade rijawe
Boye wa kiz û damawe
Nexêr mindalan diroye
Dade gelê dade gelê gelê
Lemey ziyatir lê qewmawe
Sê kurî enfal kirawe
Sêzde car malî sûtawe
Gundekey xapûr kirawe
Nanî swal nebê şik naba û
Birsêtî tînî hênawe
Herçî xizm û kesî heye
Le Kerkûk weder nirawe
Delên doy dade rijawe
Boye dade wa kiz û damawe

Çwar birazay wa dû sale
Rûyan le ewrupa nawe
Yekêkyan leser sinûrî deskird
Be destî turkan kujrawe
Yekêkyan lenaw awî îceda xinkawe
Yekêkyan le Yonan tê mawe
Yekêkyan le Almanya le beheştî ewrupada
Dozexî bo saz kirawe
Bê îş bê ziman bê paseport
Delên mêşkî le dest dawe
Delên doy dade rijawe
Boye dade wa kiz û damawe
Dadey hejar kwa doy mawe

Na na mindalan diroye
Dadey hejar kwa doy mawe
Demêke mer û malatî birdrawe ser birdrrawe
Mêrdî de sal pêşmerge buwe
Êsta nawîşî nemawe
Dû kiçî hen bêwejnin
Kolê mindalî birsîyan tê alawe
Kiçêkîşî her be sewzî helûşrawe
Na na mindalan diroye
Dadey hejar kwa doy mawe
Delên doy dade rijawe
Boye dade wa kiz û damawe
Delên doy dade rijawe
Dadey hejar kwa doy mawe

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .