site loader
site loader
Song image

دڵتەنگی

By - ژینا سەقزی Jîna Seqzî

ئەسرین ڕێژنەیە و بارانە و جووڵەجووڵ
زوخمی پەنجەرە و ئاسن و ژەنگی قووڵ
دڵێکی شکاو و زیز و مات و پڕ
شەوێکی نەدوێن و شڕ و سارد و سڕ

سیگار و هەناسە و خەمێک پڕ لە هێش
کڕێوەی سووتووی تووتون و خۆڵەمێش
دێتە بیر ئەو ڕۆژانە وا وەک ئەسیر
لە بەندی ئەوینی تۆدا بووم بە پیر

لەبەر چاوی خەڵکی پڕم لە بزە
لە تەنیاییدا تێ لە جەرگم کزە
دڵتەنگم وەکو ئەو گەڵایەی وەری
خەزانێ لەزان بوو بە جلک و بەری

Esrîn rêjneye û barane û cûlecûl
Zuxmî pencere û asin û jengî qûl
Dilêkî şikaw û zîz û mat û pir
Şewêkî nedwên û şir û sard û sir

Sîgar û henase û xemêk pir le hêş
Kirêwey sûtûy tûtun û xolemêş
Dête bîr ew rojane wa wek esîr
Le bendî ewînî toda bûm be pîr

Leber çawî xelkî pirim le bize
Le tenyayîda tê le cergim kize
Diltengim weku ew gelayey werî
Xezanê lezan bû be cilk û berî

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks