گوڵم تا دوور لە تۆ بم
گوڵ، لەبەر چاوم وەکوو خارە!
دڵم دەریای خەم و ماتەم
ژیانم وەک ژەهری مارە
سەرم کاروانسەرای مەینەت
ژیانم دەیری تەنیایی
شەماڵی بەربەیانم هەر
هەناسەی سەردی بیمارە

لە ئاسمانی ژیانم قەت
نەماوە مانگ و ئەستێرە
بە ڕۆژ لێم ون بووە، ڕۆجیار
وەکوو تاریکە شەو تارە
نییە غەیر باسی خەم بۆ من
لە بەزمی دڵ لەوێ و لێرە
هەواڵی کونجی تەنیاییم
خەیاڵێکی خەفەت بارە
خەریک بوو نوقمی گرداوی
نەمان بم نەمەزانی بۆ
کە تۆ هاتی ئەوە دەرکەوت
ئەوینی تۆ سەبەبکارە
گوڵم تا دوور لە تۆ بم
گوڵ، لەبەر چاوم وەکوو خارە!
دڵم دەریای خەم و ماتەم
ژیانم وەک ژەهری مارە
سەرم کاروانسەرای مەینەت
ژیانم دەیری تەنیایی
شەماڵی بەربەیانم هەر
هەناسەی سەردی بیمارە

Gulim ta dûr le to bim
Gul, leber çawim wekû xare
Dilim deryay xem û matem
Jiyanim wek jehrî mare
Serim karwanseray meynet
Jiyanim deyrî tenyayî
Şemalî berbeyanim her
Henasey serdî bîmare
Le asmanî jiyanim qet
Nemawe mang û estêre
Be roj lêm win buwe, rocyar
Wekû tarîke şew tare
Nîye xeyr basî xem bo min
Le bezmî dil lewê û lêre
Hewalî kuncî tenyayîm
Xeyalêkî xefet bare
Xerîk bû nuqmî girdawî
Neman bim nemezanî bo
Ke to hatî ewe derkewt
Ewînî to sebebkare
Gulim ta dûr le to bim
Gul, leber çawim wekû xare
Dilim deryay xem û matem
Jiyanim wek jehrî mare
Serim karwanseray meynet
Jiyanim deyrî tenyayî
Şemalî berbeyanim her
Henasey serdî bîmare