site loader
Song image

خەیاڵم وایە خەڵقە من

By - باست حەمەغەریب Basit Hemexerîb

خەیاڵم وایە خەڵقە من کە تەرکی عیشقی دڵبەر کەم
ئیتر میهری پەری ڕوویان بە یەکجاری لە دڵ دەرکەم

ئەگەر دڵ بێت و مەیلی گوڵڕوخان و نازەنینان کا
لە سینەی لابەرم، لەتلەت بە نووکی تیژی خەنجەر کەم

لە داخی سیلسیلەی توڕڕەی نیگاری نازەنینی خۆم
ئەبێ تەرکی وەنەوشە و سونبول و هەم عەتر و عەنبەر کەم

ئەڵێن دڵبەر لەگەڵ مندا دڵی ساردە، ڕەقیب شادە
ئەبێ خاک و گڵی عالەم ئیتر من هەر لەسەر سەر کەم

کە باڵای دولبەری دی سەروی بوستانی وتی شەرتە
ئیتر خۆم دەرنەخەم، تەرکی لیباس و بەرگی ئەخزەر کەم

هەتا کەی هەر لە دووریی تۆ ئەمن بێم و بچم جانا
بە بێ سوود بۆچ نیگەهبانی گوڵ و گوڵزاری بێ بەر کەم

ئەگەر شەو سەر لەسەر خشتێ بکەم باکم نییە چونکە
بە ئاوی دیدە ئوممێدم وەهایە با لەشم تەڕ کەم

وتی عاشق دەست بۆ چی لە زوڵفم بەرئەدەی ئەمشەو
وتم تاکەی ڕەفیقی عەقرەبی جەڕڕاڕ و ئەژدەر کەم

ئەگەر بێ ماچی لێوی دولبەرت تۆ دەسکەوێ ئەحمەد
حەرام بێ گەر ئیتر یادی بەهەشت و حەوزی کەوسەر کەم
Xeyalim waye xelqe min ke terkî îşqî dilber kem
Îtir mîhrî perî rûyan be yekcarî le dil derkem

Eger dil bêt û meylî gulruxan û nazenînan ka
Le sîney laberim, letlet be nûkî tîjî xencer kem

Le daxî sîlsîley turey nîgarî nazenînî xom
Ebê terkî wenewşe û sunbul û hem etir û enber kem

Elên dilber legel minda dilî sarde, reqîb şade
Ebê xak û gilî alem îtir min her leser ser kem

Ke balay dulberî dî seruy bustanî witî şerte
Îtir xom dernexem, terkî lîbas û bergî exzer kem

Heta key her le dûrîy to emin bêm û biçim cana
Be bê sûd boç nîgehbanî gul û gulzarî bê ber kem

Eger şew ser leser xiştê bikem bakim nîye çunke
Be awî dîde umêdim wehaye ba leşim ter kem

Witî aşiq dest bo çî le zulfim beredey emşew
Witim takey refîqî eqrebî cerar û ejder kem

Eger bê maçî lêwî dulberit to deskewê Ehmed
Heram bê ger îtir yadî beheşt û hewzî kewser kem

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Similar Tracks