خۆم کڵۆڵم

هەرچەنێ دەکەم خەیاڵانی تۆ
گەرمەشیوەنمە دیسان سەر لە نۆ
دیسان سەر لە نۆ ماڵوێرانیمە
تەم و تەمەلوول سەرگەردانیمە
دیسان وەک جاران شین و زاریمە
خەم و پەژارەی دەردەداریمە
کڵۆڵم، کاکە من کڵۆڵم
بێن سەرێ بەن لە ماڵەکەی چۆڵم

ماڵی چۆڵ و هۆڵ تاقە کەلەبەر
لە ماڵ مەنیشە خەیرت ها لە دەر
ڕانم گورگ بیخوا ماڵەکەم بە توون
خوەیشم کەوتمە گێڵ چەرخەکەی گەردوون
خەڵکی کەوتە شوێن ماڵ و ماڵداری
منیش کەوتمە شوێن عەشق و دڵداری
نەمزانی عەشقی ئەوان داخراوە
نە وەک دیان ئێشەس، نە وەک گل چاوە
کڵۆڵم، کاکە من کڵۆڵم
ئێوە بێنە دیار ماڵەکەی چۆڵم
ماڵی چۆڵ و هۆڵ دەوڵەتی کەچم
ئەگەر تۆ بار کەی من بۆ کوێ بچم
تا کەی دانیشم تا کەی لە لای(ت) بم
لە خوا تەڵەبە بە باڵای(ت) شاد بم
کڵۆڵم، کاکە من کڵۆڵم
بێن سەرێ بەن لە ماڵەکەی چۆڵم

کۆپی کردن بێ ئاماژەدان بە سەرچاوە قەدەغەیە

✓ خۆم کڵۆڵم ✓ خۆم کڵۆڵم عەینەدین ✓ عەینەدین