site loader
site loader
Song image

خۆشم دەوێی خۆشەویستم

By - سمایل سەردەشتی Smaîl Serdeştî

خۆشم دەوێی خۆشەویستم
هەر ئەتۆی ڕاز و مەبەستم
بە دیتنێکت دە ڕۆژێدا
دروست دەبێ شێعر و هەڵبەستم

گەرچی لەفزی خۆشەویستی
لە ناو کوردان دەردی گرانە
کە چۆن زەویێکی دێمەکار
بە دایمە چاو لە بارانە
زۆر فەقیر و هەژارێ دەی
بۆ ژینی خۆی چاوەڕوانە
خۆشم دەوێی خۆشەویستم
بە پێی ئەندازە و پێی توانا
خۆشم دەوێی خۆشەویستم
بە خۆشەویستی خۆم بزانە

وەکوو مەجنوون و فەرهادان
بێ وچان و بێ هەدادان
لە شاخ و دۆڵ لە دوای تۆمە
مەڕۆ خاسەکەوی بەردان
لە شاخ و دۆڵ لە دوای تۆمە
وەک هەڵۆیە لەسەر بەردان
هێندەی دی دڵ بە ناسۆر بم
پشت نابەستم بە نامەردان

خۆشم دەوێی خۆشەویستم
نازانم چۆنت حاڵی کەم
لەبەر دەر و جیرانان دەی
قەت ڕوو لە کووچەی وە ناکەم
شەوانە کاتی نیوەی شەو
بە تەلەفۆن حاڵیت دەکەم
خۆشم دەوێی بە پێی توانا
هەر ئەتۆی خۆشەویستەکەم
گەر تۆ بار بکەی لەو شارە
ئەمنیش دەڕۆم سەفەر دەکەم
کە تۆ جێ بێڵی ئەو شارە
ئەمنیش دەڕۆم شار چۆل دەکەم

بە شەرعی محەمەدیش دەی
خۆشەویستیم دایمە بووە
لە تەریقەی ئیسلامەوە
ئەو خۆشەویستییە زیندووە
باز هەم ئێستا بۆ تۆراوی
لەسەر چی لێم عاجز بووە
دەڵێی پێم چۆلە ئەو شارە
دنیا لە پێش چاو مردووە
بە بێ باڵات چۆلە شارم
کەسی تێدا نییە، مردووە

Xoşim dewêy xoşewîstim
Her etoy raz û mebestim
Be dîtnêkit de rojêda
Dirust debê şêr û helbestim

Gerçî lefzî xoşewîstî
Le naw kurdan derdî girane
Ke çon zewyêkî dêmekar
Be dayme çaw le barane
Zor feqîr û hejarê dey
Bo jînî xoy çawerwane
Xoşim dewêy xoşewîstim
Be pêy endaze û pêy twana
Xoşim dewêy xoşewîstim
Be xoşewîstî xom bizane

Wekû mecnûn û ferhadan
Bê wiçan û bê hedadan
Le şax û dol le dway tome
Mero xasekewî berdan
Le şax û dol le dway tome
Wek heloye leser berdan
Hêndey dî dil be nasor bim
Pişt nabestim be namerdan

Xoşim dewêy xoşewîstim
Nazanim çonit halî kem
Leber der û cîranan dey
Qet rû le kûçey we nakem
Şewane katî nîwey şew
Be telefon halît dekem
Xoşim dewêy be pêy twana
Her etoy xoşewîstekem
Ger to bar bikey lew şare
Eminîş derom sefer dekem
Ke to cê bêlî ew şare
Eminîş derom şar çol dekem

Be şerî mihemedîş dey
Xoşewîstîm dayme buwe
Le terîqey îslamewe
Ew xoşewîstîye zînduwe
Baz hem êsta bo torawî
Leser çî lêm aciz buwe
Delêy pêm çole ew şare
Dinya le pêş çaw mirduwe
Be bê balat çole şarim
Kesî têda nîye, mirduwe

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks

Ha Gulê

زەکەریا عەبدوڵا Zekerya Ebdula