خاکی کووچەی یارەکەم ئکسیری ساغی و ژینمە
جوانی ڕوخسار و نگاری هێزی ئەژنۆ و تینمە

بۆچی بەم دەردەم ئەبەی خۆ خۆت ئەزانی حاڵەکەم
بۆ قژی ژاکاو و لوولت دایمە هەر شینمە

هەر وەکوو پووش و پەڵاش کەوتووم لە کووچەی یاردا
گێژەلووکەش نامفڕێنێ چوونکە کەعبەی دینمە

خەڵک ئەڵێن کفرە مەکە بەم تەرحە مەدحی یاری خۆت
گوێگرانی خۆشەویست من یارەکەم ئایینمە

کەی خەیاڵم بێتە دی یاران بڵێم ئۆخەی منم
وا کە قۆڵی یاری خۆم ئیمشەو لە ژێر باڵینمە

دەردێکی دامێ مریەم چاوجوان مریەم ئامان مریەمێ سابڵاغی
دەرمانی نەکرد مریەم چاوجوان مریەم ئامان سوورەگوڵەی نێو باغی

شەماڵ بە بەفری مریەم چاوجوان مریەم ئامان مریەمێ سابڵاغی
کوێستانی نەکرد مریەم چاوجوان مریەم ئامان سوورەگوڵەی نێو باغی

Xakî kuçey yarekem iksîrî saxî û jînime
Ciwanî ruxsar û nigarî hêzî ejno û tînime

Boçî bem derdem ebey xo xot ezanî halekem
Bo qijî jakaw û lûlit dayime her şînime

Her wekû pûş û pelaş kewtûm le kûçey yarda
Gêjelûkeş namfirênê çûnke ke’bey dînime

Xelk elên kifre meke bem terhe medhî yarî xot
Gwêgiranî xoşewîst min yarekem ayînime

Key xeyalm bête dî yaran bilêm oxey minim
Wa ke qolî yarî xom îmşew le jêr balînime

Derdêkî damê Miryem çawciwan Miryem aman Miryemê Sablaxî
Dermanî nekird Miryem çawciwan Miryem aman sûreguley nêw baxî

Şemal be befrî Miryem çawciwan Miryem aman Miryemê Sablaxî
Kwêstanî nekird Miryem çawciwan Miryem aman sûreguley nêw baxî