خاکی کووچەی یارەکەم ئیکسیری ساغی و ژینمە
جوانی ڕوخساری و نیگاری هێزی ئەژنۆ و تینمە

بۆچی بەم دەردەم ئەبا خۆ خۆی دەزانێ حاڵەکەم
بۆ قژی ئاڵۆز و لوولی دایمە هەر شینمە

هەر وەکوو پووش و پڵاش کەوتووم لە کووچەی یاردا
گێژەلووکەش نامفڕێنێ چوونکە کەعبەی دینمە

گەر بە بێ تۆ بچمە سەیری باخ و سەرو و شۆڕەبی
تف لە سەرو و شۆڕەبی، بێ تۆ لە هەر دوو قینمە

خەڵک ئەڵێن کفرە مەکە بەم تەرحە وەسفی یاری خۆت
گوێگرانی خۆشەویست من یارەکەم ئایینمە

کەی خەیاڵم بێتە دی یاران بڵێم ئۆخەی منم
وا کە قۆڵی یاری خۆم شەو لە ژێر باڵینمە
Xakî kûçey yarekem îksîrî saxî û jînime
Ciwanî ruxsarî û nîgarî hêzî ejno û tînime

Boçî bem derdem eba xo xoy dezanê halekem
Bo qijî aloz û lûlî dayme her şînime

Her wekû pûş û plaş kewtûm le kûçey yarda
Gêjelûkeş namfirênê çûnke ke’bey dînime

Ger be bê to biçme seyrî bax û seru û şorebî
Tif le seru û şorebî bê to le her dû qînime

Xelk elên kifre meke bem terhe wesfî yarî xot
Gwêgiranî xoşewîst min yarekem ayînime

Key xeyalim bête dî yaran bilêm oxey minim
Wa ke qolî yarî xom şew le jêr balînime