حەبیبم وەی حەبیەخان – ناسر ڕەزازی

حەبیبم وەی وەی حەبیەخان تۆم گوڵە سوورەی دیوەخان
لەسەر باڵاکەی بەرزت دەبا بکرێم تیرباران
ئای لەسەر باڵاکەی بەرزت دەبا بکرێم تیرباران

نەخۆش و دەردەدارم وەی دەردەکەم بێدەوایە
لەسەر باڵاکەی بەرزت ئای غەریبم لەم دنیایە
وەی لەسەر باڵاکەی تۆیە غەریبم لەو دونیایە
حەبیبم وەی وەی حەبیەخان تۆم گوڵە سوورەی دیوەخان
لەسەر باڵاکەی بەرزت دەبا بکرێم تیرباران
ئای لەسەر باڵاکەی بەرزت دەبا بکرێم تیرباران

هەر کوردە لە بەینی کوللی میللەت
بێ بەهرە لە خوێندن و کیتابەت
بێگانە لە تەرجومەی زبانی
ئەسراری کتێبی خەڵکی زانی
یەکسەر عولەما درشت و وردی
نایخوێننەوە دوو حەرفی کوردی

نەخۆش و دەردەدارم وەی دەردەکەم توولانییە
ئەو گوڵە بانگ کەن بێ بۆ لام قەت دوکتۆری وا نییە
ئای ئەو گوڵە بانگ کەن بێ بۆ لام قەت دوکتۆری وا نییە
حەبیبم وەی وەی حەبیەخان تۆم گوڵە سوورەی دیوەخان
لەسەر باڵاکەی بەرزت دەبا بکرێم تیرباران
ئای لەسەر باڵاکەی بەرزت دەبا بکرێم تیرباران

هۆنراوەی مەقام: حاجی قادری کۆیی

کۆپی کردن بێ ئاماژەدان بە سەرچاوە قەدەغەیە

✓ حاجی قادری کۆیی ✓ حەبیبم وەی حەبیەخان ✓ ناسر ڕەزازی