site loader
Song image

جەژنی نەورۆز

By - فرمێسک حافز Firmêsk Hafiz

بە سووڕێکی تر ئەستێرەی ئینسانگر
قەومی کۆنی خستەوە جەژنی ئاگر
کام قەومی کۆن کام جەژنی بەرز و پیرۆز
قەومی مادی، جەژنی بڵندی نەورۆز
ئەو نەورۆزەی کە هەزاران بەهارە
لە دێی کوردا گڕی ئاگری دیارە
باوباپیرمان هەتا ئەڕۆن پشتاوپشت
لەم ئاگرەیان دەورە داوە چین چین گشت
لە چوار دەوری ئەم ئاگرە ڕەنگاوڕەنگ
کۆڕ گیراوە بە پێکەنین و ئاهەنگ
بانگی شێوان هەتاکوو بەربەیانی
شایی بووە و بەزم و نۆش و گۆرانی

لەو سایەوە تا ئێستاکە بەم چەشنە
هەموو سەری ساڵی تازەمان جەژنە
میوانی کۆن بەڕێ ئەکەین و تازە
بە پێکەنین ئەگاتە بەر دەروازە
خۆشیت هێنا و فەڕت هێنا و شیرینی
تۆ بۆ ئێمە بەهەشتی خەو بینینی
بە هاتنت بای بەستەڵەک بەفری دەشت
گیانی سپارد گوڵی ڕوا جێگای گەشت
لە تاریکی لە چوار دیواری زستان
سەرفەراز بیت سەرفەراز بووی مەلی گیان
ئێستا ئۆخەی ئاسمانێکە و هەتاوێ
گیایە و گوڵە و مەلە و خوڕەی چەماوێ

Be sûrêkî tir estêrey însangir
Qewmî konî xistewe cejnî agir
Kam qewmî kon kam cejnî berz û pîroz
Qewmî Madî, cejnî bilindî newroz
Ew newrozey ke hezaran behare
Le dêy Kurda girî agirî diyare
Bawbapîrman heta eron piştawpişt
Lem agireyan dewre dawe çîn çîn gişt
Le çiwar dewrî em agire rengawreng
Kor gîrawe be pêkenîn û aheng
Bangî şêwan hetakû berbeyanî
Şayî buwe û bezm û noş û goranî

Lew sayewe ta êstake bem çeşne
Hemû serî salî tazeman cejne
Mîwanî kon berê ekeyn û taze
Be pêkenîn egate ber derwaze
Xoşît hêna û ferit hêna û şîrînî
To bo ême beheştî xew bînînî
Be hatinit bay bestelek befrî deşt
Giyanî sipard gulî riwa cêgay geşt
Le tarîkî le çiwar dîwarî zistan
Serferaz bît serferaz bûy melî giyan
Êsta oxey asmanêke û hetawê
Giyaye û gule û mele û xurey çemawê

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks