قژ کاڵی لێو ئاڵی پرشنگی نیگاکەت*
ئەی کچە کوردەکەی سەر گۆنات نەختێ ئاڵ
کچ لە ڕێی جوانیتا
کچ لە ڕێی هات و چۆی نیونیگای کانیتا
گوڵ نەبێ بۆ سەرم ئاڵ چەپکێ زەرد چەپکێ
ناچم بۆ زەماوەند، نایەم بۆ هەڵپەڕکێ
ماڵی پاشا لەوبەر ئاوە خێڵی دوژمن دەورەی داوە
ئەڕۆم ڕێگام لێ گیراوە ناڕۆم یارم لێ تۆراوە
قژ کاڵی لێو ئاڵی پرشنگی نیگاکەت
ئەی کچە کوردەکەی سەر گۆنات نەختێ ئاڵ

کانیەکی ڕوونی بەر تریفەی مانگەشەو
جێژوانی یارم بێ دەنگ و چریکەی باز و کەو
قژ کاڵی لێو ئاڵی پرشنگی نیگاکەت
ئەی کچە کوردەکەی سەر گۆنات نەختێ ئاڵ

سڕێک وا لە دڵما بیڵێم ئێسقان ئەسووتێ
سڕێکە وا لە دڵما گەر بیڵێم ئێسقان ئەسووتێ
پەنهانی کەم نەیبێژم مێشکی ئێسقان ئەسووتێ
منەجیم ئەستێرەکەم لە بورجێدا وەدەر نێ
منەجیم ئەستێرەکەم لە بورجێدا وەدەر خە
لە تاوی ئاه و ناڵەم بیللا حەوت ئاسمان ئەسووتێ

*= لە شیعری مامۆستا گۆراندا “نیگاکاڵ” هاتووە.