site loader
site loader
Song image

تەمەن

By - کەریم کابان Kerîm Kaban

ئەی تەمەنی پڕ ئەسرینم ئەڕۆی ئاوڕ نادەیتەوە
لەگەڵ هەموو هەنگاوێکدا لە عومری من ئەسڕێیتەوە

خۆزگە منیش وەک پەپولە گشت تەمەنم وەرزێ بوایە
دوور لە خەم و تاڵی ژیان تەنها گوڵم بناسیایە
ڕێگام سەودای تەنیاییە و کەسێ نایە بۆ سەردانم
ئیتر چیبکەم لەم تەمەنە کە لە هەمووی پەشیمانم

لە گریانی مناڵیما پێکەنینم بە خەم ئەهات
کەچی ئێستا خەم دەریایە و بۆ کەنارم شەپۆل ئەدات
لە سەد جارا تەنیا جارێ زەردەخەنە دێتە میوان
وەک سێبەری لای ئێوارەی خۆرنشینی دار ئەرخەوان

ئەی هاوڕێیان چاوم نوقمی نیگارێکی پڕ بەهارە
تاسەم وەری، بەڵام هێشتا خۆشەویستیم هەر بێدارە
ئێستاش گەڵای عومری گەنجیم وەکو پاییز هەڵوەریوە
کێ وەکو من تەم و خومار پەنجەرەکەی داپۆشیوە
ئەی تەمەنی پڕ ئەسرینم ئەڕۆی ئاوڕ نادەیتەوە
لەگەڵ هەموو هەنگاوێکدا لە عومری من ئەسڕێیتەوە

Ey temenî pir esrînim eroy awir nadeytewe
Legel hemû hengawêkda le umrî min esrêytewe

Xozge minîş wek pepule gişt temenim werzê bwaye
Dûr le xem û talî jiyan tenha gulim binasyaye
Rêgam sewday tenyayîye û kesê naye bo serdanim
Îtir çîbkem lem temene ke le hemûy peşîmanim

Le giryanî minalîma pêkenînim be xem ehat
Keçî êsta xem deryaye û bo kenarim şepol edat
Le sed cara tenya carê zerdexene dête mîwan
Wek sêberî lay êwarey xornişînî dar erxewan

Ey hawrêyan çawim nuqmî nîgarêkî pir behare
Tasem werî, belam hêşta xoşewîstîm her bêdare
Êstaş gelay umrî gencîm weku payîz helwerîwe
Kê weku min tem û xumar pencerekey dapoşîwe
Ey temenî pir esrînim eroy awir nadeytewe
Legel hemû hengawêkda le umrî min esrêytewe

کۆپی کردن بێ ئاماژەدان بە سەرچاوە قەدەغەیە
More

Comments (4)

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks