site loader
Song image

تاری شکاو

By - حەسەن دەرزی Hesen Derzî

هەناسەم گەر وەکوو نەی بوو سەدای نەی تازە هەر نادا
دەڵێم خۆم هەست ئەکەم پیر بووم دڵم ئیجازە هەر نادا
دەڵێم خۆم هەست ئەکەم پیرم دڵم ئیجازە هەر نادا
لە عیسای چاوەکەت ویستم تەماشایێکی مردوو کا
دەنا ڤینۆسی ڕووت ئیزنێ بە ئەم ئیعجازە هەر نادا بە ئەم ئیعجازە هەر نادا
دەنا ڤینۆسی ڕووت ئیزنێ بە ئەم ئیعجازە هەر نادا
لەمەوبەر زۆر لە باغاتی هەنار و سێو بەشت داوم
کەچی ئێستا هەموو تامی دوو ماچی تازە هەر نادا
دەڵێن ویستووتە ئەی دڵڕەق دەمی پیری بە جێم بێڵی
خودا قەد ئیزنی وا زوڵمی بە بێئەندازە هەر نادا بە بێئەندازە هەر نادا
خودا قەد ئیزنی وا زوڵمی بە بێئەندازە هەر نادا
بە سەر زیندووم کەچی هێشتا لە دەرکەت گیان و سەر بازم
ئەگەرچی دەرکەوانت ڕێ بە ئەم سەربازە هەر نادا

دەپرسی بۆچی بێدەنگ و سەدا و هاوارە ‘ئاسۆ’کەت
تەلی تاری شکاو تازە سەدای ئەو سازە هەر نادا سەدای ئەو سازە هەر نادا
تەلی تاری شکاو تازە سەدای ئەو سازە هەر نادا

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks