تاتی مار گەستم

ئەگەر عیسائید وە عیسا قەسەم
ئەگەر مووسائید وە مووسا قەسەم
وە دەنگی ناقووس براگەم کلیسا قەسەم
تاتی مار گەستم*، بیبی مار گەستم
سفید مار نیە* و هەی هەی سیە مار گەستم
ئەو سیە مارە خوەمیش* گەزیایە*
وە بان سینەگەم* هەی هەی حەڵقە بەسیایە
وە بان سینەگەم براگەم حەڵقە بەسیایە

هەناریگ هاتیە و گیانا وە لای دووسەوە
هەناریگ هاتیە و براگەم وە لای دووسەوە
ئۊشم بخوەمەی هەی هەی هەر وە پووسەوە
ئۊشم بخوەمەی براگەم هەر وە پووسەوە
تاتی مار گەستم، بیبی مار گەستم
کورە تاتی مار گەستم، وەلا بیبی مار گەستم
سفید مار نیە و هەی هەی سیە مار گەستم
ئەو سیە مارە خوەمیش گەزیایە
وە بان سینەگەم هەی هەی حەڵقە بەسیایە
وە بان سینەگەم براگەم حەڵقە بەسیایە

مەر خۆسرەو نەیاشت مەتای ڕەنگواڕەنگ
شیرین پەی فەرهاد هەی هەی سەر مەیا وە سەنگ
شیرین پەی فەرهاد براگەم سەر مەیا وە سەنگ
تاتی مار گەستم، بیبی مار گەستم
کورە تاتی مار گەستم، بیبی مار گەستم
سفید مار نیە و هەی هەی سیە مار گەستم
ئەو سیە مارە خوەمیش گەزیایە
وە بان سینەگەم براگەم حەڵقە بەسیایە
وە بان سینەگەم گیانا حەڵقە بەسیایە

مەجنوون تفڵیگ بی گیانا وە مەکتەوخانە
مەجنوون تفڵیگ بی براکەم وە مەکتەوخانە
وە عشقێ لەیلی هەی هەی شیت بی، دیوانە
وە عشقێ لەیلی براگەم شیت بی، دیوانە
تاتی مار گەستم، بیبی مار گەستم
سفید مار نیە و هەی هەی سیە مار گەستم
ئەو سیە مارە خوەمیش گەزیایە
وە بان سینەگەم براگەم حەڵقە بەسیایە
وە بان سینەگەم گیانا حەڵقە بەسیایە

*= ئەم گۆرانییە لە لایەن چەن کەسی دیکەشەوە خوێندراوە کە بەداخەوە لە چەن شوێندا هەڵەی تێدایە بەڵام ئەم دەق و خوێندنەوەی کۆچکردوو مامۆستا ‘مەسقەتی’یە دروسترینەکەیەتی.

کۆپی کردن بێ ئاماژەدان بە سەرچاوە قەدەغەیە

✓ دەقی گۆرانی تاتی مار گەستم ئیسمائیل مەسقەتی ✓ سمایل مەسقەتی