site loader
site loader
Song image

بە غەمزەی چاوی مەخمووری

By - عەدنان کەریم Ednan Kerîm

بە غەمزەی چاوی مەخمووری سیاهی مەستی مەی کردین
بە ماچی لێوی موستەغنی لە ئەنواعی مەزەی کردین

ترازا بەندی سوخمەی ئاڵی گوڵناری بە ئاهی من
کەچی دەستی لەسەر دانا لە سەیری باغی بەی کردین
لە بۆ یەک مەرحەبایێ چوومە لای یارم بە سەرخۆشی
نیقابی خستە ڕوخسار و بەجارێ کەوتە خامۆشی
کە وام دی ڕۆیی ئارامی دڵ و سەبر و فەرامۆشی
بە هەوری پەرچەم و زوڵفی ڕوخ و ئەبرۆی کە داپۆشی
لە شەوقی ڕوئیەتی بەدری هیلالی یەک شەوەی کردین

لە بۆ خوێنڕێژی عوشاقان نیگارم گەرچی بێباکە
وەلێ ئەی دڵ لە ڕووی ئومێدەوە جارێ تماشا کە
مەڵێ سافی زەمەن ئاخر بوو کەس تیماری کەس ناکا
دەوای دەردی دڵی ناری لە تاهیر بەگ تەمەننا کە
بڵێ ئەمڕۆ گوڵەندامێ بە تیرێ جەرگی پەی کردین

Be xemzey çawî mexmûrî sîyahî mestî mey kirdîn
Be maçî lêwî mustexnî le enwayî mezey kirdîn

Tiraza bendî suxmey alî gulnarî be ahî min
Keçî destî leser dana le seyrî baxî bey kirdîn
Le bo yek merhebayê çûme lay yarim be serxoşî
Nîqabî xiste ruxsar û becarê kewte xamoşî
Ke wam dî royî aramî dil û sebir û feramoşî
Be hewrî perçem û zulfî rux û ebroy ke dapoşî
Le şewqî ruyetî bedrî hîlalî yek şewey kirdîn

Le bo xwênrêjî oşaqan nîgarim gerçî bêbake
Welê ey dil le rûy omêdewe carê timaşa ke
Melê safî zemen axir bû kes tîmarî kes naka
Deway derdî dilî Narî le Tahîr Beg temena ke
Bilê emro gulendamê be tîrê cergî pey kirdîn

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .