site loader
site loader
Song image

بە غەمزەی چاوی مەخمووری

By - عەلی مەردان Elî Merdan

بە غەمزەی چاوی مەخمووری سیاهی مەستی مەی کردین
بە ماچی لێوی موستەغنی لە ئەنواعی مەزەی کردین
ترازا بەندی سوخمەی ئاڵی گوڵناری بە ئاهی من
کەچی دەستی لەسەر دانا لە سەیری باخ و بەی کردین
بە هەوری پەرچەم و ئەبرۆ و زولف ڕوخی کە داپۆشی
لە شەوقی ڕوئیەتی بەدری هیلالی یەک شەوەی کردین
ئەگەرچی کوشتنی خۆ قابیزۆلئەرواحە موژگانی
بە قانوونی مەسیحایی لە خەندەی لێوی مەی کردین
عیلاجی دەردی دڵ ناری لە تاهیر بەگ تەمەننا کە
بڵێ ئەمڕۆ گوڵەندامێ بە تیرێ جەرگی پەی کردین

Be xemzey çawî mexmûrî sîyahî mestî mey kirdîn
Be maçî lêwî mustexnî le enwayî mezey kirdîn
Tiraza bendî suxmey alî gulnarî be ahî min
Keçî destî leser dana le seyrî bax û bey kirdîn
Be hewrî perçem û ebro û zulf roxî ke dapoşî
Le şewqî ruyetî bedrî hîlalî yek şewey kirdîn
Egerçî kuştinî xo qabîzolerwahe mujganî
Be qanûnî mesîhayî le xendey lêwî mey kirdîn
Îlacî derdî dil Narî le Tahîr Beg temenna ke
Bilê emro gulendamê be tîrê cergî pey kirdîn

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks