site loader
site loader
Song image

بە زولف و ڕوخسار

By - عیزەت کەنعانی

ئەرێ ئەی بە زولف و ڕوخسار سەنەمی چین ماهی تابم
دەمەکە و خەندەکە و نیگاهت نمەک و مەزەی شەرابم
من لەبەر نیگاهت بمرم، تۆ سەری غەمزەکەی جەلابم
بڵێ پێم گوڵەکەی بەهاری لە تۆ تا بە کەی جودا بم؟
وەرەوە، بە شەرتی جاران، ڕۆژی سەد جارت فیدا بم

لە وێرانەی دڵی شێواوم شیوەن و واوەیلایە و ڕۆڕۆ
ئاورێ بەربۆتە هەناوم دێتە دەر لە هەناسەم بۆ سۆ
بووم بە ئەفسانەی وڵاتان: شار بە شار، ماڵ بە ماڵ، کۆ بە کۆ
خاڵی چاوت، گۆشەی ئەبرۆ، دوو دینیان کردووم لەسەر تۆ
یا بمکە پیری مەیخانە، یا موریدی خانەقا بم

ڕووحەکەم ڕووی خۆت بنوێنە، تا بە کەی کوشتەی نازت بم؟
دەمەکەت بە تەکەللوم بێنە، تا نەمردووم هەمڕازت بم
جارێکیش بە کەرەم بمدوێنە من فدای دەنگ و ئاوازت بم
مەیلی ئەبرۆی تۆ قەد نانێم غەمزەدەی چاوەکەی بازت بم
من کە هات و قیبلەم گۆڕی، یا خوا کافر بێ جەلابم!

Erê ey be zulf û ruxsar senemî çîn mahî tabim
Demeke û xendeke û nîgahit nimek û mezey şerabim
Min leber nîgahit bimirm, to serî xemzekey celabim
Bilê pêm gulekey beharî le to ta be key cuda bim?
Werewe, be şertî caran, rojî sed carit fîda bim

Le wêraney dilî şêwawim şîwen û waweylaye û roro
Awrê berbote henawim dête der le henasem bo so
Bûm be efsaney wilatan: şar be şar, mal be mal, ko be ko
Xalî çawit, goşey ebro, dû dînyan kirdûm leser to
Ya bimke pîrî meyxane, ya murîdî xaneqa bim

Rûhekem rûy xot binwêne, ta be key kuştey nazit bim?
Demeket be tekelum bêne, ta nemridûm hemrazit bim
Carêkîş be kerem bimdwêne min fiday deng û awazit bim
Meylî ebroy to qed nanêm xemzedey çawekey bazit bim
Min ke hat û qîblem gorî, ya xwa kafir bê celabim!

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks