‍ ئەرێ ئەی زولف و ڕوخسار سەنەمی چۆن ماهی تابم

دەمەکە و خەندەکەی نیگاهت نەمەک و مەزەی شەڕابم

من لەبەر نیگاهت بمرم، تۆ سەری غەمزەکەی جەلابم

بڵێ پێم گوڵەکەی بەهاری لە تۆ تا بە کەی جودا بم؟

وەرەوە، بە شەرتی جاران، ڕۆژی سەد جارت فیدا بم

بە وێرانەی دڵی شێواوم شین و واوەیلایە و ڕۆڕۆ

ئاورێک بەربۆتە هەناوم دێتە دەر لە هەناسەم بۆ سۆ

بوومە ئەفسانەی وڵاتان: شار بە شار، ماڵ بە ماڵ، کۆ بە کۆ

خاڵی چاو و گۆشەی ئەبرۆت دوو دینیان کردم لەسەر تۆ

یا بمکە پیری مەیخانە، یا مریدی خانەقات بم

ڕووحەکەم ڕووی خۆت بنوێنە، تا بە کەی کوشتەی نازت بم؟

دەمەکەت وە خەندە بێنە، تا نەمردووم هەمڕازت بم

جارێکی بە کەرەم بمدوێنە من فدای دەنگ و ئاوازت بم

مەیلی ئەبرۆی تۆ قەد نانێم غەمزەدەی چاوەکەی بازت بم

من کە هات و قیبلەم گۆڕی، یا خوا کافر بێ جەلابم!

عاشق وا دەبێ، بە هەموو دەم چاو پڕ ئاو، دڵ پڕ ئاو و مەحزوون

پێی هەوای بشکێ، پێی نەمینێ غەیری هۆ لە دەروون و بیروون

خاکی ڕێی دولبەر وا بزانێ سورمەیە بۆ چاوی پڕخوون

سەگەکەی ڕێبازی لەیلێ وەرە سەر دوو چاوی مەجنوون

دونیام ئەو ڕۆژە لێ ڕوونە خاکی بەرپێی ئاشنات بم

erê ey zulf û ruxsar senemî çon mahî tabim

Demeke û xendekey nîgaht nemek û mezey şerabim

Min leber nîgahit bmirim, to serî xemzekey celabim

Bilê pêm gulekey beharî le to ta be key cuda bim?

Werewe, be şertî caran, rojî sed carit fîda bim

Be wêraney dilî şêwawim şîn û waweylaye û roro

Awirêk berbote henawim dête der le henasem bo so

Bûme efsaney wilatan: şar be şar, mal be mal, ko be ko

Xalî çaw û goşey ebrot dû dînyan kirdim leser to

Ya bimke pîrî meyxane, ya mirîdî xaneqat bim

Rûhekem rûy xot binwêne, ta be key kuştey nazit bim?

Demeket we xende bêne, ta nemridûm hemrazit bim

Carêkî be kerem bimdwêne min fiday deng û awazit bim

Meylî ebroy to qed nanêm xemzedey çawekey bazit bim

Min ke hat û qîblem gorî, ya xwa kafir bê celabim!

aşq wa debê, be hemû dem çaw pir aw, dil pir aw û mehzûn

Pêy heway bişkê, pêy nemînê xeyrî ho le derûn û bîrûn

Xakî rêy dulber wa bizanê surmeye bo çawî pirxûn

Segekey rêbazî Leylê were ser dû çawî Mecnûn

Dunyam ew roje lê rûne xakî berpêy aşinat bim