site loader
site loader
Song image

بە ئاسمانەوە ئەستێرەم دیوە

By - سەید ڕەحیم قورەیشی

بە ئاسمانەوە ئەستێرەم دیوە
لە باغچەی بەهار گوڵم چنیوە
شەونمی درەخت لە ڕووم پژاوە
لە زەردەی زۆر کەل سەرنجم داوە
پەلکەزێڕینەی پاش بارانی زۆر
چەماوەتەوە بەرامبەر بە خۆر
خوڕەی قەڵبەزی کەفزیوینی چەم
لە هەزار چەشنە پرشنگی ناو تەم

بە سەرسامی لەسەر لوتکەی بڵیندی گوندێ وەستاوم
شریتی عومری ڕابردووم وەکوو خەو دێتە بەر چاوم
شریتێکی سەراپا سەرگوزەشتەی نائومێدیمە
فلیمی پڕ لە ناسۆری هەرەس هێنانی لاویمە

ئەمانە هەموو جوانن، شیرینن
ڕۆشنکەرەوەی شەقامی ژینن
بەڵام تەبیعەت هەرگیزا و هەرگیز
بێ ڕووناکییە و بێ بزەی ئازیز
Be asmanewe estêrem dîwe
Le baxçey behar gulim çinîwe
Şewnimî dirext le rûm pijawe
Le zerdey zor kel serincim dawe
Pelkezêrîney paş baranî zor
Çemawetewe beramber be xor
Xurey qelbezî kefzîwînî çem
Le hezar çeşne pirşinigî naw tem

Be sersamî leser lutkey bilîndî gundê westawim
Şirîtî umrî rabirdûm wekû xew dête ber çawim
Şirîtêkî serapa serguzeştey naumêdîme
Filîmî pir le nasorî heres hênanî lawîme

Emane hemû ciwanin, şîrînin
Roşinkerewey şeqamî jînin
Belam tebîet hergîza û hergîz
Bê rûnakîye û bê bizey azîz

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks