site loader
site loader
Song image

بەهارە بولبول

By - سەنا بەرزەنجی Sena Berzencî

بەهارە بولبول، بولبول بەهارە
سەرەتای ناڵەی ئەزیزەکەم سەودایی زارە
وەرە بناڵین بە جووت لەشەودا
ئێمە شەو بێدار ئەزیزەکەم، بێ خەم لەخەودا

وا بەری بەیان سفیدەی نواند
تەم و تاریکیی ئەزیزەکەم لە گوڵشەن ڕەواند
دەشت و کێو هەمووی بە گوڵ خەمڵیوە
بەرگی بووکێنی ئەزیزەکەم تازەی پۆشیوە

هەوری بەهاریی لە گەرد و خولدا
چیمەن گەردانەی ئەزیزەکەم شەونم لە ملدا
لاگیرەی زێڕە قەتارەی گوڵزار
هەیاسەی پشتە ئەزیزەکەم زنجیرەی ڕووبار

بەڕەزا پرچی پەخشان کردەوە
شنەی بای شەماڵ ئەزیزەکەم شانەی کردەوە
نێرگز بە پەنجەی یادی لێلاخان
ڕووپۆشی لادا ئەزیزەکەم، سەرمەست و خەندان

پەڕەندەش ئەچنە سەر لقی درەختان
هەر یەک ئاوازێ ئەزیزەکەم ئەڵێن بۆ بەیان
پۆڕ بە گەناسە و قومری بە ئاواز
بوون بە دوو یاریئەزیزەکەم هاودەم و هاوڕاز

Behare bulbul, bulbul behare
Seretay naley ezîzekem sewdayî zare
Were binalîn be cût leşewda
Ême şew bêdar ezîzekem, bê xem lexewda

Wa berî beyan sifîdey nwand
Tem û tarîkîy ezîzekem le gulşen rewand
Deşt û kêw hemûy be gul xemlîwe
Bergî bûkênî ezîzekem tazey poşîwe

Hewrî beharî le gerd û xulda
Çîmen gerdaney ezîzekem şewnim le milda
La gîrey zêre qetarey gulzar
Heyasey pişte ezîzekem zincîrey rûbar

Bereza pirçî pexşan kirdewe
Şiney bay şemal ezîzekem şaney kirdewe
Nêrgiz be pencey yadî lêlaxan
Rûpoşî lada ezîzekem, sermest û xendan

Perendeş eçine ser lqî dirextan
Her yek awazê ezîzekem elên bo beyan
Por be genase û qumrî be awaz
Bûn be dû yarîezîzekem hawdem û hawraz

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks