site loader
Song image

بەناز پەروەردە

By - عوسمان هەورامی Osman Hewramî

وەی بەناز بەناز بەناز پەروەردە
با بارۆ شەماڵ بۆی تۆ لەو هەردە
شەماڵ لێی داوی زۆڵفت شێواوە
قەسەمیش بخۆی ماچت کراوە
ئۆ بەناز بەناز بەنازت نیشم
بە خوای بانی سەر بۆ تۆ دەروێشم
دەی من چی بکەم باڵاکەت کوڵە
لە خێڵی ئێوە هەر تۆم بە دڵە
ئۆف بەناز بەناز بەناز پەروەردە
با بارۆ شەماڵ بۆ تۆ لەو هەردە

شەماڵ دەخیلتم وەک هەردەجاران
عەرزەکەم بەرە بۆ خزمەت یاران
وەی بەناز بەناز وەی نازپەروەردە
با بارۆ شەماڵ بۆی تۆ لەو هەردە
کام ڕەشی قەتران کام نووکی قەڵەم
ڕەش ڕاکێشراوە وەک برۆ و پەرچەم
وەی بەناز بەناز دەخیل ناز مەکە
بگرە جامەکەت بانگەواز مەکە
هەی هەی لەو زوڵفە ناسک لەو لێوە
چون بەفری شاهۆ زەردەی خۆر پێوە
بیکە بە خاتر زەردەی خۆراوا
سەرێ دەر بێنە لە تۆی کەژاوە
ئۆ بەناز بەناز بەناز پەروەردە
با بارۆ شەماڵ بۆی تۆ لەو هەردە

عەمرم عەزیزم گیانی شیرینم
بۆ تۆ نەماوە ڕەنگ لە جەمینم
هۆ بەناز بەناز بەناز بەناز بەناز بەناز بەناز پەروەردە
با بارۆ شەماڵ بۆی تۆ لەو هەردە
هەڵکە پا و پووز با خاڵ دەرکەوێ
ئیسە ماچت کەم من لە باتی شەوێ
ئۆ بەناز بەناز بەناز بەناز بەناز بەناز پەروەردە
ئۆ بەناز بەناز دووبارە ئۆخەی
جێگەکەم لە لای جێگەکەی(ت) ڕا ئەخەی
جێگەم بۆ ڕاخە ئیمشەو من میوانم
*؟؟؟ شەو دەردەکەی(ت) لە گیانم
ئۆ بەناز بەناز دووبارە جە نۆ
دە خوا حەقی من بسێنێ لە تۆ

*؟؟؟=نازانین گۆرانیبێژ چ دەڵێ، تکایە ئەگەر دەیزانن پێمانی بڵێن
سپاس

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks