دەڵێن لێوئاڵ لێم زیزە بە کەس ئاشت نابێتەوە
کەژاڵ چووەتە سەفەرێ دوعام بۆ بکەن بێتەوە
لە خودای دەکەم تەڵەبێ لەگەڵم ئاشت بێتەوە
دەنا لێیدە بەرهەڵبێنە ئەرێ لێیدە بەرهەڵبێنە
بەرهەڵبێنە و بەر‌هەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دەنا لێیدە بەرهەڵبێنە ئەرێ لێیدە بەرهەڵبێنە

لە لای خەڵکی بەهارە بۆ من خەزەڵوەرێنە
زوڵفی ڕژا لە کوڵمی چەن جوان و دڵڕفێنە
ئەو دڵمە بە دایمە دەگری فرمێسک هەڵوەرێنە
دەنا لێیدە بەرهەڵبێنە ئەرێ لێیدە بەرهەڵبێنە
بەرهەڵبێنە و بەر‌هەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دەنا لێیدە بەرهەڵبێنە ئەرێ لێیدە بەرهەڵبێنە

یارم لە هەرکوێیەکە خودا ئاگاداری بێ
شەماڵ هات بە ناڵە ناڵ خەبەری یارمی پێ بێ
ئەو ئاورەی لە منت بەردا یا ڕەبی لە خۆت بەر بێ
دەنا لێیدە بەرهەڵبێنە ئەرێ لێیدە بەرهەڵبێنە
بەرهەڵبێنە و بەر‌هەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دەنا لێیدە بەرهەڵبێنە ئەرێ لێیدە بەرهەڵبێنە

لەنگۆ (لە ئەنگۆ) یار پەیدا نابێ پەیدا بێ وەفای نابێ
سەد ساڵ خونچە بپشکوێ بێ بولبول بەهار نابێ
چ بکەم دڵ گرتوویەتی بە کەس تەوەلا نابێ
ئەرێ لێیدە بەرهەڵبێنە دەنا لێیدە بەرهەڵبێنە
بەرهەڵبێنە و بەر‌هەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دەنا لێیدە بەرهەڵبێنە ئەرێ لێیدە بەرهەڵبێنە

دەردێکی وای داومەتێ کافر حاڵم نەبینێ
گەلی دۆست و برادەران بۆم گێڕن گەرمەشینێ
دەڵێن لێرە نەماوە چووە بۆ چین و ماچینێ
دەنا لێیدە بەرهەڵبێنە ئەرێ لێیدە بەرهەڵبێنە
بەرهەڵبێنە و بەر‌هەڵبێنە بەرهەڵبێنەکەی توندە
سەبارەت بە چاوجوانێ ئاوەدان بێ ئەو گوندە
دەنا لێیدە بەرهەڵبێنە ئەرێ لێیدە بەرهەڵبێنە