
بۆ دوا جارە بەجێت دێڵم
هەتا زووە بەجێم بێڵە با تۆش لەگەڵ منا نەمری
کە من ئاتەشگای عەشق بم تۆ چۆن بەرگەی سووتان دەگری
لە دەروازەی دڵێک مەدە پەنجەرەکانی شکا بێ
لەسەر چەرپای کەسێک مەنوو لە بەر بارانی ئەشکا بێ
من کووخێکی چۆڵ کراوەم سەراپا نوقمی لیتە و شێم
دەترسم لە یەکەم ژووانا بەسەر باڵاتا بڕووخێم
ئەیامێکە بەجێی هێشتووم پەری تەرزێکی گوڵ ئەندام
بۆ سەبووری ماڵی چۆڵم لەچکەکەی جێ ماوە لە لام
تۆش دەسڕەکەی(ت) بەجێ بێڵە بۆ عەشقی دیدە نمناکێ
با بۆ مراز نیشانە بن وەک بەیداخی گڵکۆی چاکێ
گڵکۆی چاکێ
بۆ دوا جارە بەجێت دێڵم دەماڵاوا ئازیزەکەم
شاخ و گرد و هەرد ئەکێڵم دەماڵاوا ئازیزەکەم
هەی بۆ ئامانجی ڕۆژی ڕووناک لە ڕێگەی تاریکی وێڵم
بەجێت دێڵم
بەجێت دێڵم
دەبا بمرم لە ڕێگەی عەشق و ئازادی دڵ پڕ خوێنە
وەک شەرابی جامی بەومەست بە دەستی خۆت بیڕژێنە
چوونکە دڵم پڕ بێ لە ئێش ئیلاجی نەکرێ زامەکەی
ڕوو ئەکەمە هاوڕێکانم چاری نییە بە بادە و مەی
بەجێت دێڵم
بەجێت دێڵم
ئەڕۆم گیانا لە دوورەوە یادی(ت) ئەکەم ئەزانی بۆ
سەنگارەکەم*؟؟؟ زۆر خۆش ئەوێ ئەویش تێکەڵ دوعا بە تۆ
بەجێت دێڵم
بەجێت دێڵم
بۆ دوا جارە بەجێت دێڵم دەماڵاوا ئازیزەکەم
شاخ و گرد و هەرد ئەکێڵم دەماڵاوا ئازیزەکەم
هەی بۆ ئامانجی ڕۆژی ڕووناک لە ڕێگەی تاریکی وێڵم
بەجێت دێڵم
بەجێت دێڵم
چەرپا= تەختی نووستن
کووخ= خانووی بچووک
لیتە= قوڕی شل
شێ= نم
مراز= نیاز، مەبەست
*؟؟؟= لەو وشەیە تێنەگەیشتووین، تکایە ئەگەر دەیزانن پێمانی بڵێن
سپاس
Similar Tracks
وەرە قوربان ئارامی دڵان
حەسەن زیرەک Hesen Zîrek
کیژان دەچنە مێرگوڵان ٥
حەسەن زیرەک Hesen Zîrek
هەموو شەو
عەدنان کەریم Ednan Kerîm
کیژان دەچنە مێرگوڵان
تاهیر خەلیلی Tahîr Xelîlî
لەیل چی وە حومام
چریکەی کورد
بە عینوانی – حەسەن زیرەک
حەسەن زیرەک Hesen Zîrek
فەرەنجی پۆش – نەجمەدین غوڵامی
نەجمەدین غوڵامی Necmedîn Xulamî
هەر ماڵێ گیسکێ
مەحمود محەمەد
ئەم ڕۆژی ساڵی تازەیە نەورۆزە هاتەوە
حەمە ساڵح دیلان
ئەی گوڵ لەسەر چڵانت
محەمەد ماملێ Mihemed Mamlê
نازیلێ و باڵابەرزە
مەریوان سەفائەدین Merîwan Sefaedîn